Nursultan Nazarbaev saltanatty rásimge qatysýshylardy Qazaqstan táýelsizdiginiń otyz jyldyǵymen quttyqtap, bul aıtýly mereke el jetistikteriniń jarqyn sımvoly ekenine nazar aýdardy, dep habarlaıdy elbasy.kz.
– Qazaqstan osy jyldar ishinde halqymyzdyń ıgiligi jolynda aýqymdy maqsattarǵa umtyldy. Biz elimizdiń álemde laıyqty oryn alyp, mártebeli memleketke aınalýy úshin aıanbaı eńbek ettik. Ata-babamyzdyń san ǵasyrlar boıy ańsaǵan armanyn aqıqatqa aınaldyrý uly mıssııasy bizdiń býynǵa buıyrǵanyn maqtan tutamyn. Búgin Prezıdent Jarlyǵymen bir top azamat marapattaldy. Sonyń ishinde sizder de barsyzdar. Táýelsizdik kúni qarsańynda bul nagradalardy tapsyrý men úshin úlken mártebe. Sizder Qazaqstannyń damýy men gúldenýine zor úles qosyp júrsizder, – dedi Elbasy.
Is-shara barysynda memleket jáne qoǵam qaıratkerleri, sondaı-aq bıznes qoǵamdastyǵy ókilderi marapattaldy. Qazaqstannyń Tuńǵysh Prezıdenti «VTB Banki» prezıdenti – basqarma tóraǵasy Andreı Kostınniń Qazaqstan-Reseı qarym-qatynasyn nyǵaıtý isindegi jáne eki eldiń ıntegraııalyq úderisteri aıasynda ınvestıııa-bank sektoryn damytýdaǵy eńbegin erekshe atap ótti. Nursultan Nazarbaev Qazaqstan men Reseı arasyndaǵy strategııalyq yntymaqtastyqty odan ári tereńdetý qajettigine toqtalyp, bul proestegi bıznes ókilderiniń aıryqsha róline mán berdi.
Elbasy Astana jáne Qazaqstan Mıtropolıti Aleksandrdy marapattap, konfessııaaralyq dıalogty ilgeriletýdegi, qoǵamdaǵy tynyshtyq pen turaqtylyqty saqtaýdaǵy Pravoslav shirkeýiniń mańyzdy rólin atap ótti.
Sonymen birge «Nur Otan» partııasy Tóraǵasynyń birinshi orynbasary B.Baıbekke, Nursultan Nazarbaev qorynyń atqarýshy dırektory Q.Jumabaevqa, Qazaqstan Respýblıkasy Konstıtýııalyq Keńesiniń tóraǵasy Q.Mámıge, jazýshy, Memlekettik syılyqtyń laýreaty D.Isabekovke, «QazMunaıGaz» ulttyq kompanııasy» akıonerlik qoǵamy basqarmasynyń tóraǵasy A.Aıdarbaevqa, «A.N.Syzǵanov atyndaǵy Ulttyq ǵylymı hırýrgııa ortalyǵy» akıonerlik qoǵamy basqarmasynyń tóraǵasy B.Baımahanovqa, «Bazis-A» kompanııasy dırektorlar keńesiniń tóraǵasy A.Belovıchke, Qazaqstan Respýblıkasynyń Tuńǵysh Prezıdenti – Elbasynyń kómekshisi Á.Tursynovqa, alpınıst M.Áýezovaǵa memlekettik marapattar tapsyryldy.
– Sizder árdaıym jańa ıdeıalardy tıimdi júzege asyryp kelesizder. Barshańyzǵa el ıgiligi jolyndaǵy jemisti qyzmetterińiz úshin zor rızashylyǵymdy bildiremin. Otyz jylda biz Qazaqstannyń ilgeri basýy men órkendeýi úshin qoldan kelgenniń bárin jasadyq. Bul nagradalar – sizderdiń Qazaqstan men onyń halqy aldyndaǵy eńbekterińizdiń laıyqty baǵalanýynyń nyshany, – dedi Qazaqstannyń Tuńǵysh Prezıdenti.
