Säken Seifullin atyndaǧy oblystyq-akademiialyq qazaq drama teatrynda ūlttyq ruh jaŋǧyrdy. Önerdıŋ qaraşaŋyraǧynda Qanat Jünısovtıŋ «Ūltqa qyzmet» atty tarihi daramasy sahnalandy. Tuyndyda ūlt kösemı Älihan Bökeihan jäne Ahmet Baitūrsynov, Älımhan Ermekov syndy Alaş alyptarynyŋ azattyq jolyndaǧy küresı baiandalady, dep habarlaidy "Adyrna" ūlttyq portaly "Saryarqa" telearnasyna sılteme jasap.
Tarihi drama Patşa ükımetı qūlap, Aq pen qyzyldyŋ aiqasy bastalyp ketken kezeŋdı suretteidı. Däl sol dürbeleŋde Älihan Bökeihan bastaǧan bır top ziialylar Alaşorda ükımetın qūryp, kezınde airylyp qalǧan memlekettı qalypyna keltıru üşın jürgızgen küresterı – tuyndynyŋ negızgı mazmūnyna arqau boldy. Avtor drama şynaiy bolu üşın ony jazu barysynda belgılı ädebiettanuşylarmen, tarihşylarmen keŋeskenın aitady.
Qanat JÜNISOV, «Ūltqa qyzmet» tarihi dramasynyŋ avtory:
— Täuelsızdıktıŋ 30 jyldyǧyna orai jazylǧan. Būl Alaş jaily, Alaş qairatkerlerı jaily. Älihan Bökeihanovtyŋ 155 jyldyǧy, Jaqyp Aqbaevtyŋ 145 jyldyǧy, Älımhan Ermekovtıŋ 130 jyldyǧy negızge alyndy. Tarihi obrazdardy Säken Seifullin atyndaǧy oblystyq akademiialyq qazaq drama teatyrynyŋ akterlerı somdady. Olardyŋ auzymen azattyq üşın küresken Alaş ziialylarynyŋ qanatty sözderı aityldy. Drama körermennıŋ köŋıl tüpkırıne jetse kerek, olar köz jasyna erık berdı. Äsırese Ūlt kösemı Älihan Bökeihan jaily kölemdı eŋbekter jazyp, onyŋ ömırın zerttep jürgen Nūrsahan Beisenbekovaǧa erekşe äser etıptı. Ol da zaldan jylap şyqty.Nūrsahan BEISENBEKOVA, «Tūlǧatanu» ǧylymi-zertteu ortalyǧynyŋ direktory:
- Älihan Bökeihan — ūlt maqtanyşy degen monografiianyŋ avtory retınde, Alaş qozǧalysynyŋ tarihy degen oqulyq jazǧan adam retınde myna spektaklden keremet äser aldym. Qazaqtyŋ 20 ǧasyrdaǧy ömırı sahnadan öttı. Kıtappen salystyryp otyrdym. Älihan Bökeihandy jaqsy zerttegen, ony sezıngen avtor eken. Avtory dramanyŋ soŋynda egemen elde tuǧan jasöspırımdı sahanaǧa şyǧaryp, onyŋ ünımen körermenge eldık, azattyq haqynda jalyndy oilardy jetkızdı. Eŋ soŋynda änūran şyrqaldy.
"Adyrna" ūlttyq portaly
