Almaty qalasynyŋ Memlekettık quyrşaq teatrynda Nikolai Gogoldıŋ äigılı «Şinel» povesınıŋ jelısımen «Şekpen» qoiylymynyŋtūsaukeserı öttı. Atalmyş ıs-şara körermenderdı de, teatr synşylaryn da beijai qaldyrmady.
«Şekpen» qoiylymy quyrşaq teatry şyǧarmaşylyǧyna jaŋa serpılıs berıp, teatr repertuarynda özındık erekşe ornynqalyptastyrdy. Gruziia elınen arnaiy şaqyrylǧan bılıktı ärı belgılı rejisser Nikoloz Sabaşvilidıŋ jetekşılıgımen sahnalanǧan būl tuyndy özındık özgeşe atmosferasymen, stilımen, tereŋ filosofiialyq oilarymen körermenderdı taŋdandyrdy.
Quyrşaq teatrynyŋ artisterı de spektakl barysynda aianbai eŋbektenıp, quyrşaqtardy jäne zattardy oryndy oinatyp, komandalyq ruhty sezdıretın üilesımdı ansambl körsete bıldı. Basty röldı oryndaǧan daryndy artist Şohan Qūlnazarov basty keiıpkerdıŋ beinesın jan-jaqty ärı aiqyn aşyp, zor qoşemetke ie boldy.
Nikoloz Sabaşvili atalmyş qoiylymnyŋ paida boluy turasynda kelesıdei oilaryn aityp öttı: «Būnyŋ bärı şyǧarmaşylyq pıkırl almasu men jaŋa ideialardy talqylau nätijesınde qalyptasqan dostyqtan bastaldy dep aita alamyn. Men būl qalada bırınşı ret emespın, äsem Almaty qalasyna būl menıŋ üşınşı ret sapar şeguım. Ötken jyly men Halyqaralyq «Orteke»quyrşaq teatry festivalı kezınde Almaty Memlekettık quyrşaq teatry direktorymen tanysqan bolatynmyn. Sodan keiın bız bırlesken jobalardy jüzege asyru mümkındıgın talqylap, artynan Gruziia Quyrşaq teatrlary bırlestıgı men Memlekettık quyrşaq teatry arasyndaǧy özara yntymaqtastyq memorandumyna qol qoidyq. Mıne, sodan berı bır jyl öte men taǧy da Almaty qalasynda tūrmyn. Quyrşaq teatrynyŋ ūjymy menı öte jyly qabyldady, al özıŋızdı jaily sezıngen jerde jūmys ısteu de oŋaiyraq jäne qyzyqty bolady. Men osy teatrda spektakl qoiuǧa kelıskenımdı dūrys şeşım dep esepteimın...».
«Şinel» – būl tek köterıŋkı köŋıl küi syilaityn qoiylym emes, sonymen qatar, būl eŋ talapşyl körermenderdı de qanaǧattandyra alatyn intellektualdy tuyndy.
