Shymkent qalalyq bilim basqarmasyna qarasty Júz Otyz Besinshi jalpy orta mektebinde Táýelsizdiktiń 30 jyldyǵyna oraı «Táýelsizdik úshin ter tókkender» taqyrybynda Patrıottyq qozǵalys «Jeltoqsan aqıqaty» Respýblıkalyq Qoǵamdyq Birlestiginiń Shymkent fılıaly tóraǵasynyń orynbasary Ospanova Gúlmıra Bolatqyzymen kezdesý ótti.
— Táýelsizdik — eń basty qundylyǵymyz. Bul kúnge san ǵasyr boıy armandap jettik. Táýelsizdikke qan tógissiz, beıbit túrde qol jetkizip, elimizdi álemniń órkenıetti memleketteriniń qataryna qostyq. 30 jyl ishinde táýelsiz Qazaq elin qalyptastyryp, naryqtyń qıyn ótkelekterinen aman ótkizip kelemiz.
Barsha qazaqstandyqtar úshin Táýelsizdiktiń máni de, mańyzy da aıryqsha. Óıtkeni biz Táýelsizdiktiń arqasynda tarıhymyzdy túgendep, tilimizdi, dinimizdi jáne dilimizdi qaıta oralttyq. Memleketimizdiń ulttyq rámizderi qabyldanyp, ulttyq salt-dástúrimizdi jandandyrdyq. Osy rette Tuńǵysh Prezıdent-Elbasy N.Nazarbaevtyń eńbegin aıryqsha atap ótken jón, — dedi G. Bolatqyzy. Sonymen qatar táýelsizdikke úles qosqan aıtýly azamattardy tilge tıek etti.
Mektep ujymy kesh qonaǵyna óz rızashylyqtaryn bildirip, estelikke sýretke tústi.
