Memlekettik hatshy Shymkent azamattaryna memlekettik nagradalar tabystady

619

Búgin Shymkent qalasynda el Táýelsizdiginiń 30 jyldyq mereıtoıyna arnalǵan «El baqytyn terbetken – Táýelsizdik!» atty saltanatty jıyn ótti. Sharaǵa Qazaqstan Respýblıkasynyń Memlekettik hatshysy Qyrymbek Kósherbaev, qala ákimi Murat Áıtenov, zııaly qaýym ókilderi, barlyq salanyń mamandary men eńbek azamattary qatysty.

Merekelik is-shara Memlekettik gımnniń oryndalýymen bastaldy.

Jıynda sóz alǵan qala basshysy barsha jurtshylyqty jetken bıigimizdi saralap, bolashaǵymyzdyń baǵdaryn belgilep bergen Táýelsizdiktiń 30 jyldyq merekesimen quttyqtady.

«Elbasymyzdyń kóshbasshylyǵymen Qazaqstan halqy memleket qurý mıssııasyn oryndady. Nursultan Ábishuly óziniń «Táýelsizdik sabaqtary» maqalasynda Qazaqstannyń álemde óz týyn tuǵyrǵa qondyrǵan eki júzden asa eldiń ishinde bar-joǵy 30 jyldyń ishinde alǵashqy 40 eldiń qataryna qosylǵanyn atap ótti. Osy jyldar halqymyz júrip ótken jol jasampazdyqtyń Uly dáýirine aınaldy. Árbir jyl ǵasyr júgin arqalady. Halqymyzdyń myqty memleket qurý, baqýatty ómirge jetý jolyndaǵy uly kóshine baıtaq Qazaqstan jurty túgel úles qosty. Búgingi Qazaqstannyń qalyptasqan memleketke aınalýy, álemdik deńgeıde tanylyp, moıyndalýy jáne qýatty ekonomıka quryp, gúldenýi – halqymyzdyń eren eńbeginiń nátıjesi»,- dedi óz quttyqtaý sózinde M.Áıtenov.

Sonymen birge ákim saltanatty jıynǵa arnaıy kelip qatysyp, qýanyshty sátti bólisken Qazaqstan Respýblıkasynyń Memlekettik hatshysy Qyrymbek Eleýuly Kósherbaevqa Shymkent turǵyndary atynan alǵysyn jetkizip sahnaǵa shaqyrdy.

Qazaqstan Respýblıkasynyń Memlekettik hatshysy Qyrymbek Kósherbaev qala turǵyndaryn elimiz úshin mańyzdy tarıhı belespen quttyqtaı otyryp, qazaqstandyqtar osy jyldarda tuǵyry myǵym, qýatty memleket qura bilgendigin atap ótti.

«Biz – yntymaqty uran, tatýlyqty tý etken beıbit halyqpyz. Búgingi memleketimizdiń qarqyndy damýy – turaqty saıasat pen ishki birliktiń arqasy. Ulttyq qasıetimiz ben ulttyq qundylyqtarymyzdy ulyqtaı bilgenimizdiń jemisi. Sondyqtan birligimiz bekem, tirligimiz tııanaqty bolǵanda ǵana Táýelsizdiktiń týy máńgi jelbireıtinin esten shyǵarmaǵanymyz abzal.Otyz jylda qazaq halqy asyqqanyna jetip, ańsaǵanyn kórdi. Táýelsizdik ulttyq namysymyzdy oıatty. Táýelsizdik qazaqty álemge azattyq súıgish, rýhy bıik, namysy berik halyq retinde tanytty. Ata-babamyz ǵasyrlar boıy armandap ótken egemen el bolý mártebesin kórý – búgingi urpaqqa buıyrǵan zor baqyt. Osy otyz jylda memleket jańǵyryp, ult qaıta túledi. Táýelsizdik jyldary boı kótergen ǵajaıyp elorda Otanymyzdyń júregine, Táýelsizdigimizdiń tiregine aınaldy. Halqymyz maqtan etetin elimizdiń barlyq óńirlerinde de ulanǵaıyr jasampazdyq ister atqaryldy. Munyń ózi bizdiń qýatty el ekenimizdi pash etti. Sizderdiń qalalaryńyz da basqa óńirler sııaqty el ekonomıkasynyń damýyna jyldan-jylǵa úles qosyp keledi. Elimizdiń ońtústiginde ornalasqan úshinshi megapolıs, qazaqylyqtyń qaımaǵy saqtalǵan shyraıly Shymkent qalasyna Elbasynyń Jarlyǵymen arnaıy statýs berilgennen keıin shahardyń damýy tyń serpin aldy. Indýstrıalandyrý baǵdarlamasy boıynsha jalpy quny 221,5 mıllıard teńgeni quraıtyn 127 joba iske asty. 2018 jyldan beri qala ekonomıkasyna 1,3 trıllıon teńge ınvestıııa tartyldy. Aldaǵy ýaqytta da bul qarqyndy tómendetpeý kerek»,-dedi Memlekettik hatshy.

Qyrymbek Kósherbaev ulysymyz úshin ulyq, memleketimiz úshin mártebeli mereke – Táýelsizdiktiń 30 jyldyǵy qarsańynda Qazaqstan Respýblıkasynyń Prezıdenti Qasym-Jomart Kemeluly Toqaev elimizdiń qoǵamdyq-saıası, áleýmettik-ekonomıkalyq damýyna erekshe úles qosyp júrgen azamattardy memlekettik nagradalarmen marapattady. Olardyń qatarynda Shymkent shaharynyń turǵyndary da bar ekenin aıtyp, elimizdiń ósip-órkendeýine eńbek sińirgen 34 azamatty qala ákimi Murat Áıtenovpen birge tabystady.

Saltanatty jıyn óner juldyzdarynyń merekelik konertimen jalǵasty.

Shymkent qalasy ákimdiginiń baspasóz qyzmeti

Pikirler
Redakııa tańdaýy