Táýelsizdik qarsańynda «Bıznestiń jol kartasy» baǵdarlamalarynyń merzimin 1 jylǵa uzartý jóninde sheshim qabyldandy

1163
Adyrna.kz Telegram

Ústimizdegi jyldyń 11 aıynda Shymkentke tartylǵan ınvestıııa kólemi ótken jyldyń sáıkes kezeńimen salystyrǵanda 55 paıyzǵa artyp, 392,4 mlrd teńgeden asty. Bul týraly Ortalyq kommýnıkaııalar qyzmetinde ótken brıfıngte qala basshysy Murat Áıtenov málim etti.

Onyń aıtýynsha, ınvestıııa tartý maqsatynda 5 jyldyq jospar boıynsha 2,6 trln teńgege 282 jobany iske asyryp, 20 myń jumys ornyn qurý qajet. Sonymen qatar, shaǵyn jáne orta kásipkerliktiń tıimdiligin arttyrý maqsatynda «Qarapaıym zattar ekonomıkasy» jáne «Bıznestiń jol kartasy» baǵdarlamalarynyń merzimin 1 jylǵa uzartý jóninde sheshim qabyldandy. Bul kásipkerler úshin úlken múmkindik.

«Qalada «Bıznestiń jol kartasy-2025» memlekettik baǵdarlamalary sheńberinde 8,9 mlrd teńge bólingen. Búginde Baǵdarlama sheńberinde 7,8 mlrd teńgege 1 946 jobaǵa qoldaý kórsetildi. «Qarapaıym zattar ekonomıkasy» baǵdarlamasy aıasynda 2021 jylǵa 2,9 mlrd teńge bólindi. Búgingi kúnge quny 57,8 mlrd teńgeni quraıtyn 70 jobaǵa 2,5 mlrd teńgege qoldaý kórsetildi. Atalǵan jumystar kelesi jyly da jalǵasatyn bolady. Sonymen qatar, «Men kásipker bolamyn» jobasymen áıelder men jastar kásipkerligin damytý úshin jergilikti is-shara jospary iske asyrylýda.

Atalǵan is-shara aıasynda 10 mln teńgege deıin 1%-dyq shaǵyn nesıeler berý qarastyrylǵan. Bul maqsatqa jergilikti bıýdjetten 1,1 mlrd teńge qarjy bólindi. «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan» memlekettik baǵdarlamasy aıasynda 1 mlrd teńgege 70 joba qarjylandyryldy», - dedi spıker.

Qalada kásipkerlerge yńǵaıly jaǵdaı jasaý úshin «Bızneske arnalǵan úkimet – Shymkent Invest» kásipkerlerge qyzmet kórsetýdiń biryńǵaı ortalyǵy qurylǵan. Munda kásipkerler bıznes-jospardy ázirleýden bastap jobany paıdalanýǵa berýge deıin, onyń ishinde barlyq ruqsat berý qujattaryn qarjylandyrý jáne rásimdeý boıynsha súıemeldeýmen birge qyzmet kórsetedi. Búginge front-keńseniń qyzmetine 34 myńnan astam azamat júgindi.

Pikirler