Shymkent ákimi táýelsizdik jyldaryndaǵy jetistikterdi atady

1597
Adyrna.kz Telegram

Shymkent qalasynyń ákimi Murat Áıtenov Ortalyq kommýnıkaııalar qyzmetinde ótken brıfıngte qalanyń Táýelsizdik jyldaryndaǵy jetistikterine toqtaldy.

«Táýelsizdik jyldary Elbasymyz Nursultan Ábishuly Nazarbaevtyń sarabdal saıasatynyń arqasynda búkil elimiz, onyń ishinde Shymkent qalasy qarqyndy damydy. Sońǵy otyz jylda Shymkent qalasyndaǵy halyq sany 400 myńnan qazir 1 mıllıonnan asty. 1991 jyly qalada 72 mektep bolsa, búginde 202 mektep óskeleń urpaqqa bilim berýde. Táýelsizdik tańy atqanda 68 myń oqýshy bolsa, qazirgi tańda 250 myńnan asatyn oqýshymyz bar. Mádenıet nysandary 52-den 120-ǵa jetip, sport nysandary 337-den 900-ge kóbeıdi. 90-shy jyldary qalada 27 densaýlyq saqtaý nysandary bolsa, qazir ol 110-ǵa jetti. Shymkent turǵyndarynyń ortasha jasy 63,9 jastan 71 jasqa artty»,-dedi M.Áıtenov.

Osy jyldar ishinde qalada ónerkásip ónim kólemi 10 mlrd. teńgeden 670 mlrd. teńgege artqan. Qala bıýdjeti 1 mlrd. teńgeden búgingi kúnde 497 mlrd. teńgege ósken.

Shymkent qalasy ákimdiginiń baspasóz qyzmeti

Pikirler