Шымкент қаласының әкімі Мұрат Әйтенов Орталық коммуникациялар қызметінің брифингінде қаланың тәуелсіздік жылдарындағы жетістіктерін жан-жақты баяндап берді.
"Ұлт Көшбасшысы Нұрсұлтан Назарбаевтың басшылығымен Қазақстан тәуелсіздік жылдарында зор табыстарға қол жеткізді. Соның ішінде Шымкент қарқынды даму жолына түсті. Соңғы 30 жылда қала халқының саны 400 мыңнан бір миллионнан астам адамға дейін өсті. 1991 жылы қалада барлығы 72 мектеп болды, бүгінгі күні олардың саны 202-ге жетті. Тәуелсіздік таңында Оқушылар саны 68 мың болды, қазір қалалық мектептерде 250 мыңнан астам бала оқиды. Мәдениет объектілерінің саны 52-ден 120-ға дейін, ал спорт объектілері 337 – ден 900-ге дейін ұлғайды. 90-шы жылдары қалада 27 Денсаулық сақтау нысаны болған, қазіргі уақытта олардың саны 110-ға жетті. Шымкент тұрғындарының орташа өмір сүру ұзақтығы 63,9 жастан 71 жасқа дейін ұлғайды", - деді М.Әйтенов.
Көрсетілген кезеңде қаланың өнеркәсіп өнімінің көлемі 10 млрд.теңгеден 670 млрд. теңгеге дейін ұлғайды. Қала бюджеті тиісінше 1 млрд. теңгеден 497 млрд. теңгеге дейін өсті.
Шымкент қаласы әкімдігінің баспасөз қызметі
