QR Táýelsizdiginiń 30 jyldyǵyna oraı Shymkent qalasy ishki saıasat jáne jastar isteri jónindegi basqarmasy Jastar resýrstyq ortalyǵynyń uıymdastyrýymen «Jeltoqsan jańǵyryǵy» patrıottyq áleýmettik jobasy aıasynda 1986 jylǵy jeltoqsan qatysýshylaryna arnalǵan patrıottyq ánder baıqaýy ótti.
Maqsaty jas urpaqty qazaqstandyq otansúıgishtikke tárbıeleý jáne patrıottyq shyǵarmalardyń otandyq avtorlaryna ataýly qoldaý kórsetý, repertýardy patrıottyq taqyryptaǵy jańa mýzykalyq shyǵarmalarmen tolyqtyrý, qazaqstandyq án týyndylarynyń básekelestik áleýetin arttyrý bolyp tabylady.
Shymkent qalasynyń 16-29 jas aralyǵyndaǵy 15 jas talanttary baqtaryn synaǵan baıqaý 2 kezeńnen turyp, birinshi kezeńde qatysýshylar patrıottyq án oryndasa, al ekinshi kezeńde erkin taqyrypta án oryndady.
Jeńimpazdardy anyqtaý úshin Shymkent qalalyq mádenıet úıiniń ártisteri Ó. Bórihanov, Á. Maýkenova jáne H-faktor jobasynyń jeńimpazy A. Qarǵabaı ádil-qazylyq jasap, nátıjesi boıynsha júldeli 1 oryndy - Oraz Nyshanbaev pen Farhad Baqytuly, 2 oryndy – Saz kolledjiniń stýdenti Pavel Kım qanjyǵasyna baılap, al 3 oryndy - Jandos Áshirbek ıelendi.
Jeńimpazdarǵa baǵaly syılyqtar men uıymdastyrý tarapynan dıplomdar jáne qatysýshylarǵa arnap arnaıy alǵys hattar tabystady.
