Täuelsızdıktıŋ 30 jyldyǧynyŋ qarsaŋynda Şymkent qalasyndaǧy ortalyq saiabaqta memleket jäne qoǧam qairatkerı Özbekälı Jänıbekovtıŋ kompozisiialyq müsını ornatyldy. Eskertkıştıŋ aşylu saltanatyna qala äkımı Mūrat Äitenov pen ziialy qauym ökılderı qatysty.
–Şymkentte künı keşe äigılı rejisser Jūmat Şaninnıŋ eskertkışı aşylsa, bügın memleket jäne qoǧam qairatkerı Özbekälı Jänıbekovtıŋ müsını ornatyldy. Özbekälı Jänıbekov HH ǧasyrda qazaq halqynyŋ salt-dästürı men mädenietın qaita tületıp, ūltymyzdyŋ mädeni-ruhani mūrasyn saqtau jolynda aianbai eŋbek etken tarihi tūlǧalardyŋ bırı de bıregeiı. Barşaŋyzdy qalamyzdyŋ mädeni-ruhani ömırındegı osynau eleulı oqiǧamen qūttyqtaimyn. Memleketımızdıŋ maŋyzdy tarihi belesı – Täuelsızdıgımızdıŋ 30 jyldyǧy qarsaŋynda aşylǧan būl eskertkış bügıngı ūrpaqtyŋ ūlt azamatyna körsetken zor qūrmetı dep bılemın, –dedı Mūrat Düisenbekūly.
Özbekälı Jänıbekovtıŋ bastamasymen Qazaqstannyŋ köptegen qalalarynda etnografiialyq mūrajailar aşylǧan. Qazaqstannyŋ tarihi jäne mädeni eskertkışterın saqtau men qalpyna keltıru maqsatyn közdegen “Arqas” qoǧamy qūrylǧan. Ol kısı özı tıkelei aralasyp jürıp 17 myŋnan astam tarihi-mädeni eskertkışterdı tügeldep, qūjattaryn retke keltırıp, memlekettıŋ qarauyna qaldyrypty. Sonymen bırge “Şerter”, Adyrna”, “Altynai” jäne taǧy basqa folklorlyq öner ansamblderın ūiymdastyrǧan. Mūnyŋ barlyǧy Jänıbekovtyŋ qazaq etnografiiasy men folklorlyq önerıne, jalpy mädenietıne sıŋırgen eŋbegınıŋ bır parasy ǧana.
Aita keteiık, saltanatty şaraǧa Şymkent qalasy mäslihatynyŋ hatşysy Bahadyr Narymbetov, halyqaralyq «Alaş» ädebi syilyǧynyŋ laureaty, jazuşy Marhabat Baiǧūt, «Parasat» ordenınıŋ iegerı Hanbibı Esenqaraqyzy, qoǧam qairatkerınıŋ ūrpaqtary men ǧalymdar, taǧy basqa ziialy qauym ökılderı qatysty.
Sondai-aq, Özbekälı Jänıbekovtıŋ 90 jyldyǧyna orai Şymkent qalasynyŋ «Ädet-ǧūryp jäne salt-dästür ortalyǧynda» qoǧam qairatkerınıŋ ömır jolyn baiandaityn «Dara» atty derektı filmnıŋ tūsaukeser räsımı öttı.
Aidar QŪLJANOV, Foto Serık QOSAEV
