Bügın densaulyq saqtau basqarmasynyŋ basşysy Baqytjan Pozilov qala äkımdıgınıŋ @akimat_shymkent instagram paraqşasynyŋ tıkelei efirınde KVİ-ge qarsy vaksinalau jūmysynyŋ barysyn baiandady.
Şymkentte 15 qaraşadan bastap jüktı äielder men balalarǧa koronavirusqa qarsy «Pfizer» preparatymen vaksinasiialau bastalǧan bolatyn. Ekı kün ışınde qalada 173 adam osy vaksinany qabyldaǧan.
Ekpe aldynan därıgerler tūrǧyndardy medisinalyq tekseruden ötkızıp, qarsy körsetılımderı bolmaǧan jaǧdaida ekpe egude. Mekemelerde profilaktikalyq jūmystardy jürgızuge barlyq jaǧdai jasalǧan.
– Qalaǧa bügınge deiın «Pfizer» vaksinasynyŋ 46 800 dozasy jetkızıldı. Būl preparattyŋ qūramynda immundyq qorǧanys jasaityn virus bolmaǧandyqtan koronavirus infeksiiasyn tuyndatpaidy. Vaksinasiia 21-28 kün aralyqpen ekı ret jürgızıledı,-dedı qalanyŋ bas därıgerı.
«Pfizer» ekpesı 12-den 18 jasqa deiıngı jasöspırımderge, jüktı äielder men laktasiia kezeŋındegı äielderge erıktı türde salynady. Profilaktikalyq vaksina azamattardyŋ öz kelısımımen ǧana jürgızıledı. Al jasöspırımderdı vaksinasiialau ata-anasynyŋ nemese zaŋdy ökılınıŋ kelısımımen jüzege asady.
Efir barysynda B.Pozilov tūrǧyndar joldaǧan 50-den asa sūraqqa jauap berdı. Sūraqtardyŋ basym bölıgı jasöspırımder men jüktı äielderge salynatyn vaksinanyŋ äserı jönınde boldy.
Vaksina alǧandardyŋ ışınde 133-ı jasöspırım, 28-ı jüktı äiel jäne 12-sı bala emızetın ana. Basqarma basşysynyŋ sözınşe, ekpe alǧandar arasynda kerı reaksiia jaǧdaiy tırkelmegen.
Şymkent qalasy äkımdıgınıŋ baspasöz qyzmetı
