ShYMKENTTE SPORT QOLJETIMDI BOLA BASTADY

1100
Adyrna.kz Telegram

Táýelsizdiktiń 30 jyldyǵy qarsańynda memleket basshysynyń buqaralyq sportty damytý, balalarǵa sporttyq ınfraqurylymnyń barynsha qoljetimdi bolýyn qamtamasyz etý tapsyrmasyna sáıkes, qalada kóptegen sport nysandary ashylyp, turǵyndar ıgiligine berilýde.

Búgin Shymkent qalasy Bilim basqarmasyna qarasty №74 jalpy orta bilim beretin mektebinde sporttyq alańshanyń ashylý saltanaty bolyp ótti.

Alańshanyń saltanatty ashylý rásimine mektep dırektory Isakova Nýrıpa Áýelqyzy jáne Qamqorshylyq keńesiniń tóraǵasy Tólemis Elibek Hýdııaruly, «Kórkem ájeler» tobynyń múshesi Iskakova Anıpa, ata-analar, jergilikti turǵyndar qatysty.

- Bilim ortasynda birneshe sport úıirmeleri jumys isteıdi. Úıirme jetekshileri jańadan ashylǵan alań arqyly voleıbol men kishi fýtboldy damytyp, jetistikke jetemiz dep otyr. Saıyp kelgende, munyń barlyǵy da balalardyń bolashaǵy úshin jasalyp otyrǵan ıgilikti ister. Bilim nárimen sýsyndaǵan, deni saý urpaq erteńgi el júgin kóterer azamat bolary haq, - dedi mektep dırektory N. Isakova.

Buqaralyq sporttyń qoljetimdiligi – deni saý ult qalyptastyrýdyń basty sharty. Qalada bul baǵyttaǵy júıeli is-sharalar odan ári jalǵasyn tabatyn bolady.

Shymkent qalasynyń Aqparattyq-kommýnıkaııalyq ortalyǵy

Pikirler