El Táýelsizdiginiń 30 jyldyǵyna oraı Shymkent qalalyq jumyspen qamtý jáne áleýmettik qorǵaý basqarmasyna qarasty «Aıaly alaqan» múmkindigi shekteýli balalardy ońaltý ortalyǵy ashyldy. Bul joba Nur Otan partııasynyń 2021-2025 jyldarǵa arnalǵan «Ózgerister joly: barshaǵa laıyqty ómir!» saılaýaldy baǵdarlamasyn iske asyrý aıasynda júzege asyrylyp otyr.
Ortalyqtyń ashylý rásimine Shymkent qalalyq máslıhattyń hatshysy B.Narymbetov, Nur Otan partııasynyń qalalyq fılıaly tóraǵasynyń birinshi orynbasary J.Bektaeva, Abaı aýdanynyń ákimi B.Parmanov, qalalyq máslıhat depýtaty T.Sultanova, Nur Otan partııasynyń fılıaly janyndaǵy jumyspen qamtýdy jáne halyqtyń áleýmettik osal toptaryn qoldaý jónindegi aımaqtyq qoǵamdyq keńes tóraǵasy B.Kýanyshbekov, balalardyń ata-analary qatysty.
– Áleýmettik jáne zaıyrly qoǵamnyń basty mindeti – erekshe jaǵdaıdaǵy azamattar men balalarǵa qoldaý kórsetý. Osyǵan oraı, Nur Otan partııasynyń saılaýaldy baǵdarlamasy aıasynda múmkindigi shekteýli jandardyń em alýyna qolaıly jaǵdaı týǵyzý maqsatynda erekshe kútimdi qajet etetin balalardy ońaltý ortalyǵynyń jańa ǵımaratyn paıdalanýǵa berilip otyr. Munda balalardy qoǵamǵa áleýmettik beıimdeý jáne ońaltý jumystary júrgiziledi. Ortalyqta staıonar jaǵdaıda 40-qa jýyq balaǵa deıin qyzmet kórsetedi, – deıdi qalalyq jumyspen qamtý jáne áleýmettik qorǵaý basqarmasynyń basshysy Balmarjan Narbekova.
«Halyqqa áleýmettik qyzmet kórsetetin qalalyq aýmaqtyq ortalyǵy» mekemesiniń ishinen ashylǵan ortalyqta tirek-qımyl jáne júıke júıesiniń dertine shaldyqqan 18 jasqa deıingi balalarǵa tolyq staıonarlyq jaǵdaıda áleýmettik, turmystyq, medıınalyq, psıhologııalyq, pedagogıkalyq, eńbek, mádenı, ekonomıkalyq, quqyqtyq qyzmet túrleri kórsetiledi. Osy maqsatta em-sharalyq, sporttyq jáne ózge de qyzmet kórsetetin bólmelermen jabdyqtalǵan.
Nurlan BEKTAEV
