Búgin Shymkent qalasynyń ákimi Murat Áıtenov Serbııada ótken bokstan eresekter arasyndaǵy álem chempıonatynyń kúmis júldegeri Mahmud Sabyrhanǵa turǵyn úı sertıfıkatyn tabystady. Kezdesýge Shymkent qalasy boks federaııasynyń tóraǵasy A. Turysbekov qatysty.
Bylǵary qolǵap sheberine qala ákimdigi men boks federaııasy birlesip «Standart» turǵyn úı kesheninen 1 bólmeli páter berildi. Sportshyny jetistigimen quttyqtaǵan qala basshysy álemdik arenada aldaǵy ýaqytta úlken jeńisterge jetetine senimdi ekenin aıtty.
«Elimizdiń táýelsizdik alǵanyna bıyl 30 jyl toldy. Osy ýaqyt aralyǵynda Qazaqstan sportshylary halyqaralyq arenada qazaq eliniń abyroıyn asqaqtatyp keledi. Olardyń qatarynda óziń sekildi talantty boksshylar bar. 20 jasta álem chempıonatynyń fınalynda synǵa túskenniń ózi úlken erlik jáne jetistik. Sen úshin úlken sporttaǵy úlken jeńister baspaldaǵy bastaldy. Endi jattyǵýdy kúsheıtip, budan da bıik belesti baǵyndyryp, qazaqstandyqtardy qýantýǵa kúsh jigerińdi sal. Senderge qarap jastarymyz sportpen shuǵyldanýǵa jáne salamatty ómir saltyn ustanýǵa umtylady. Jetistikterińdi kórip sender sııaqty bolýǵa talpynady. Sportshylarymyzdyń jetistikteri memlekettiń bedelin arttyrýǵa septigin tıgizedi. Sondyqtan biz aldaǵy ýaqytta úlken jeńister kútemiz»,-dedi ákim.
Eske salsaq, Belgradta ótken álem chempıonatynda bokstan Qazaqstan erler quramasy jalpy komandalyq esepte ekinshi orynǵa turaqtady. Temirtas Júsipov pen Sáken Bıbosynov álem chempıondary atansa, Mahmud Sabyrhan men Serik Temirjanov kúmis júldege, Abylaıhan Júsipov qola júldege ıe boldy.
