Halqynyń babyn taýyp, baryn bergen atqaminerler, «Besinshi aımaq» táýelsiz aqparattyq portalynyń nusqasy boıynsha, laıyqty marapattaryna ıe boldy. Búgin oblys ortalyǵyndaǵy «Jýrnalıster úıinde» buqaranyń bazynaly máselesiniń kúrmeýin sheship, túıinin tarqatyp júrgen úzdik ákimder tuǵyrdan tabyldy.
Eńbegimen er atanyp júrgen ákimder arasyndaǵy alaman «Halyq únine qulaq asatyn memleket» tujyrymdamasynyń negizinde júzege asty. Ǵalamtory ǵalamat, jelisi júırik qoǵamda, basshylar arasyndaǵy basty básekede qatysýshylardyń áleýmettik jelidegi belsendiligi men turǵyndardyń saýalyna jyldam jaýap berýine basym nazar aýdaryldy.
«Besinshi aımaq» aqparattyq saıtynyń dırektory Anvar Aldashevtiń aıtýynsha, dál osy aýyl ákimderi memleket pen qoǵamnyń kommýnıkaııasynda aldyńǵy qatarda tur. Qos tarap «tonnyń ishki baýyndaı» bolyp birtutas damýy, el damýynyń negizgi tetigi bolyp tabylady.
«Búgin biz baıqaý jeńimpazdaryn ǵana emes, memleket saıasatyn eń jaqsy túrde júzege asyratyn tabysty basqarýshylardy da marapattaımyz. Jalpy, sáýir aıynan bastap daýys berýge 250 myńnan astam ınternet jelisin paıdalanýshylar qatysty, bul búkil oblys halqynyń 10% - dan astamyn qurady», - dep bólisti Anvar Aldashev.
Áleýmettik jelidegi daýys berý nátejıeleri boıynsha, eliniń baǵyn jandyrý arqyly ózide baqytqa kenelgen jandar jeńimpazdar qatarynan tabyldy. Atqarǵan jumystary el kóńilinen shyqqan bılik ıeleri bir degende birneshe marapatty qanjyǵalaryna baılady. Solardyń biri, Eńbekshiqazaq aýdanyna qarasty Rahat aýyldyq okrýginiń ákimi Qýat Aqshabaev. Ol «Úzdik sýmen jabdyqtaý ákimi», «Elektrlendirý boıynsha úzdik ákim», «Halyqpen jumys júrgizý jónindegi úzdik ákim» degen úsh birdeı atalymda top jardy.
Al, «Aýyldyq eldi mekendi jaryqtandyrý boıynsha úzdik ákim» jáne «Aýdan tazalyǵy men qatty turmystyq qaldyqtardy shyǵarý boıynsha úzdik ákim» nomınaııasynyń ıesi Eńbekshiqazaq aýdanynyń, Qaratúrik aýyldyq okrýginiń ákimi Aıbek Ilebaı atandy.
Sonymen qatar, «Almaty oblysynyń úzdik aýdan ákiminiń apparaty» nomınaııasynda Kóksý aýdany jeńiske jetti.
Saıasattyń surmergenderiniń arasynda óten saıysta, «Almaty oblysynyń áleýmettik jelidegi úzdik aýyl ákimi -2021» ataǵy men 1-dárejeli dıplom Máýlen Bazalıevqa buıyrdy. Ol Kóksý aýdany, Aınabulaq aýyldyq okrýginiń ákimi qyzmetin atqarady.
Endigide, ákimderdiń reıtıngteri respýblıkalyq, oblys jáne aýdanishilik bolyp bólinetinin bolady. Aldaǵy ýaqytta árbir adam AKIMY.KZ jańa mobıldi qosymshasynda aq jaǵalylardyń jumysynyń sapasyn baǵalaýǵa múmkindik alady.
