Ortalyq kommunikasiialar qyzmetı alaŋynda «Qazaqstan» RTRK» AQ Basqarma töraǧasy Erlan Qarin Ūlttyq arnanyŋ köktemgı televiziialyq mausymymen tanystyryp, 2017 jyldyŋ negızgı jetıstıkterın atap öttı.
Qazaqtyŋ töl önerın därıpteitın «Men qazaqpyn» halyqaralyq muzykalyq jobasy men 8 memlekette tıkelei transliasiia arqyly körsetılgen «SilkWayStar» megajobasy körermender arasynda joǧary baǧalanyp, ötken mausymnyŋ basty jaŋalyǧy boldy.
Sondai-aq, 2017 jyly «Parasat maidany», «1studiia», «Basty taqyryp», «Mäsele», «Elden habar» jäne t.b qoǧamdyq-saiasi jäne aqparattyq-saraptamalyq jobalardyŋ sany artyp, körermenge jol tartty.
Sonymen qatar, Ūlttyq arna memlekettık maŋyzy joǧary tüsırılımder men tıkelei transliasiialardy jüzege asyrdy. Atap aitsaq, 2017 jylǧy Qysqy Universiada, Äskeri şeru, halyqaralyq mamandandyrylǧan «Astana EKSPO-2017» körmesınıŋ aşyluy men jabylu saltanaty, QR Prezidentınıŋ qatysuymen ötken İndustriialandyru künıne arnalǧan elımızdıŋ 26 nysanyn qamtyǧan teleköpır.
«Ötken jyly kontenttı jaŋartu barysynda äleumettık jobalardyŋ sany artyp, aqparattyq-saraptamalyq baǧdarlamalardyŋ formaty özgerdı. Eŋ bastysy, özımızdıŋ ışkı teleönımnıŋ ülesı 80%-ǧa östı. Bız ärı qarai da kontenttı jaŋartu jūmystaryn jalǧastyryp, sapaly tuyndylardyŋ sanyn arttyruǧa atsalysamyz», - dedı Basqarma töraǧasy Erlan Qarin.
Ūlttyq telearnada jaŋa televiziialyq mausym dästür boiynşa nauryz aiynyŋ basynan bastalmaq. «Qazaqstan» telearnasynan bırneşe jaŋa jobalar men telehikaialar körermenge jol tartady. Būrynnan kele jatqan tanymal jobalardyŋ jürgızuşılerı auysyp, jaŋa formatta şyǧa bastaidy. Endı «Tüngı studiiany» akter ärı syqaqşy Qairat Ädılgerei jürgızse, «Senbılık şoudyŋ» tızgının Tūrsynbek Qabatov ūstaidy. Sondai-aq, jaŋa mausym aiasynda aqpan aiynda efirge şyqqan «Baqytty äiel» tok-şouy qyz-kelınşekter arasynda ülken sūranysqa ie bolyp keledı.
Aldaǧy uaqytta elımızdıŋ tarihynan syr şertetın «Alaş aqiqaty» baǧdarlamasy, «Bala köŋılı» atty balalar tärbiesın qozǧaityn gumanitarlyq-aǧartuşylyq joba, «Jürsınnıŋ jüirıkterı» atty aqyndar aitysy şyǧatyn bolady. «Jürsınnıŋ jüirıkterı» baǧdarlamasynyŋ qazylar alqasy qatarynda belgılı öner qairatkerlerı - qazaq kinosynyŋ maitalmany, QR Halyq ärtısı Asanälı Äşımov, änşı ärı kompozitor, QR Halyq ärtısı Altynbek Qorazbaev, professor, ǧylym doktory Namazaly Omaşev pen QR Halyq aqyny Asiia Berkenova bar. Al, jobanyŋ basty qonaǧy - QR eŋbek sıŋırgen qairatkerı, aqyn jäne jurnalist Jürsın Erman.
Sonymen qatar, Ūlttyq arna jas auditoriiany arttyru maqsatynda, qyzyqty ärı erekşe «Q-pop Idols» atty jobanyŋ tūsauyn kespek. Būl jobanyŋ jetekşısı - belgılı muzykant, prodiuser Erbolat Bedelhan.
Jaŋa mausym aiasynda sondai-aq, bırqatar jaŋa otandyq telehikaialar ūsynylatyn bolady. 26 nauryzda Alaş ziialylarynyŋ 20-şy ǧasyrdyŋ basynda Täuelsızdık jolyndaǧy taǧdyryn baiandaityn «Tar zaman» telehikaiasy efirge şyǧady. Odan bölek, körermender «Tuǧan jer», «Süie bılseŋ-2», «Jaralanǧan jürekter», «Iŋkär jürek-3» jäne t.b telehikaialardy tamaşalaityn bolady. Belgılı bolǧandai, biyl
Qazaq televiziiasy 60 jyldyq mereitoiyn atap ötude.
Osy aituly mereke qarsaŋynda «Qazaqstan» telearnasy bırneşe ıs şaralardy ötkızıp keledı. «Ūlttyq arnada är jyldary köptegen tanymal tūlǧalar, ziialy qauym ökılderı eŋbek etıp, Qazaq televiziiasynyŋ damuyna zor ülesterın qosty.
Olardyŋ atqarǧan eŋbegın ūmytpau - bızdıŋ paryzymyz. Aqpannyŋ basynan bastap, är jeksenbı saiyn Ūlttyq arnanyŋ «Altyn qorynda» saqtalǧan, kezınde körermennıŋ köŋılınen oryn alǧan būrynǧy baǧdarlamalardy efirge şyǧarudy ūiǧardyq.
Sondai-aq, «Taŋşolpan», «Dara jol», «Kelbet» jäne basqa da baǧdarlamalarda otandyq televiziia ardagerlerınıŋ qatysuymen arnaiy şyǧarylymdar jaryq köredı. Mūnymen qosa, körermenderge tosynsyi retınde būrynǧy telejurnalister men diktorlar jürgızuşı retınde efirge şyǧatyn bolady», - dedı Basqarma töraǧasy E.Qarin.
Aidyn Egizova kaztrk.kz
