Deputat Rinat Zaitov Parlamenttıŋ kezektı otyrysynda özınıŋ deputattyq saualyn Almaty qalasy äkımı Erbolat Dosaevqa, premer-ministr orynbasary Altai Kölgınovke joldady. Ol qazaqtyŋ aitys önerınıŋ qoǧam üşın maŋyzdylyǧyn aityp, Almaty qalasynan arnaiy jeke ǧimarat ūsynudy sūrady, dep jazady "Adyrna". Būl turaly Parlamentte aityldy.
"Qazaq halqy üşın aitys önerınıŋ orny ärqaşan erekşe bolǧan. Söz qadırın, öz qadırım dep ūqqan qazaq, aitys önerın bırtūtas memlekettıŋ müddesın qorǧaityn pıkırtalas alaŋy dep bıldı. Bügıngı künge deiın ara tūra ministrlıkten bölıngen qarjyǧa ūiymdastyrylyp jürgen aitystar bolǧany bolmasa, memleketten mardymdy qoldau kördı dep aita almaimyz. Sızderden sūraitynymyz, bırınşıden Almaty qalasynan Aitysker aqyndar men jyrşy-termeşıler odaǧynyŋ tūraqty meken-jaiy bolatyn arnaiy ǧimarat qarastyruylaryŋyzdy, sondai-aq Mädeniet mnistrlıgı tarapynan jüielı qarjylandyrularyŋyzdy sūraimyz" dedı Zaitov.Qoǧam belsendısı, aitysker aqyn, jurnalist Oŋaǧar Qabden videony jelıde bölısıp, atalmyş ǧimaratqa Jürsın Ermannyŋ atyn berse de artyq etpeitının jazdy:
"Aitysker aqyndar men jyrşy-termeşıler Odaǧyna dep qabyldaŋyzdar. Jyraular men termeşıler de ögei balanyŋ küiın keşıp jürgenı ötırık emes. Är oblys ortalyǧynda Assambleiaǧa da bır bır zäulım sarai berdık qoi. Aqyndar men jyrşy, termeşılerdıŋ öz aldyna jeke saraiy bolǧany dūrys. Ol saraiǧa Jürsın Ermannyŋ atyn berıp qoisa da artyq emes" dep bölıstı ol.
Ūqsas jaŋalyqtar
