Shymkentte ıfrlandyrý qyzmetteri boıynsha press-týr ótti

1154

Úshinshi megapolıste ıfrlandyrý baǵytynda aýqymdy jumys atqarylýda. Bul týraly Shymkent qalalyq ıfrlandyrý basqarmasynyń mamandary BAQ ókilderine ótkizgen baspasóz týry barysynda málimdedi. Aqparattyq top aldymen «I-kómek 109» ortalyǵynda boldy.

Ortalyq jetekshisi Azat Ámirtaıdyń baıandaýynsha, «I-kómek 109» qyzmeti qala ákimi Murat Áıtenovtyń bastamasymen 2020 jyldyń 26 maýsymynda ashylǵan. Bir jyldan astam ýaqyt ishinde qala turǵyndarynan 230 myńnan asa aryz-shaǵym túsken. Sonyń ishinde 228 myń aryz oń sheshilip, kórsetkish 98 paıyzdy qurap otyr. Ortalyq ókilderiniń aıtýynsha, qala turǵyndaryn mazalaıtyn suraqtardyń ishinde qoǵamdyq kólik, jaryq pen sý, qoqys tazalaý sekildi kommýnaldy máseleler bar.

Budan keıin «I-Shymkent» jobasynyń jumysy tanystyryldy. Shymkent qalalyq ıfrlandyrý basqarmasy basshysynyń mindetin atqarýshy Maqsat Týǵanbaıdyń aıtýynsha, bul ortalyq eki formatta jumys isteıdi.

– Ózderińizge málim, qazirgi tańda búkil qyzmetter elektrondy formatqa kóshýde. Osyǵan baılanysty qala ákiminiń tapsyrmasyna sáıkes «I-Shymkent» jobasy júzege asyrylyp otyr. Munda bir tereze arqyly birneshe qyzmetti atqarýǵa múmkindik bar. «I-Shymkent» ortalyǵy kelesi jyldan bastap eki formatta jumys isteıdi. Birinshi format – onlaın, ıaǵnı, portal arqyly. Azamattar I-shymkent.kz saıty arqyly kommýnaldy qyzmetterge jáne ınternetke ótinish qaldyra alady. Ekinshi format – offlaın. Erimbetov kóshesi, 52/3 ǵımaratta ashylǵan front-ofıske kelip, ótinishti qaldyrýǵa bolady, – deıdi Maqsat Týǵanbaı.

Budan keıin BAQ ókilderine qalalyq ishki ister departamentiniń shuǵyl basqarý ortalyǵy men Sáýle shaǵynaýdany turǵyndaryn ınternetpen qamtamasyz etý boıynsha atqarylyp jatqan jumystar tanystyryldy. Bul jumystar ıfrlandyrý basqarmasynyń tikeleı baqylaýymen júzege asyrylýda.

Nurlan BEKTAEV
FOTO: Serik QOSAEV

Pikirler
Redakııa tańdaýy