Shymkent qalasy ákimdiginde qoǵamdyq keńestiń kezekti otyrysy ótti. Otyrysty keńes tóraǵasy N.Buharbaı júrgizip otyrdy. Keńeste ekonomıkalyq tergeý departamenti basshysynyń orynbasary B.Júzenov, jolaýshylar kóligi jáne avtomobıl joldary basqarmasynyń basshysy E.Joldasov, ishki saıasat jáne jastar isteri jónindegi basqarma basshysynyń orynbasary B.Ádilhanov, memlekettik eńbek ınspekııasy basqarmasynyń basshysy B.Qaljanov, jumyspen qamtý jáne áleýmettik qorǵaý basqarmasynyń basshysy B.Narbekova 2021 jyldyń 10 aıynda atqarylǵan jumystary boıynsha esep berdi.
Ekonomıkalyq tergeý departamentiniń ókili B.Júzenov jalǵan shot-faktýra jasaý, salyqtan jaltarý, bıýdjet qarjysyn maqsatsyz jumsaý, jalǵan aqsha jasaý, ekonomıkalyq kontrabanda derekteri boıynsha tergep-tekserý jumystary júrgizilgenin atap ótti.
Keńeste E.Joldasov qaladaǵy joldar men qoǵamdyq kólik salasynda atqarylǵan jumystar boıynsha baıandama jasady. Basqarma basshysynyń aıtýynsha búgingi tańda qalada aınalma joldardyń qurylysy qarqyndy júrýde. Ishki oramdyq kósheler jóndelip jatyr. Elektrondy karta saýdasy 300 myńnan assa, kelesi jyly ony 500 myńǵa jetkizý josparda bar.
— Qalaǵa áli de 1880 aıaldama qajet. Osy maqsatqa 650 mln. teńge bólindi. Bıyl 288 aıaldama ornatyldy. Avtobýs júrgizýshileriniń mádenıetin kóterý baǵytynda jumystar atqarylýda. Aldaǵy ýaqytta paıdalanýǵa beriletin jańa avtobýstarda aıaldamalardy ataıtyn qyzmeti bolady. Birte-birte jolaýshylar tasymaly qyzmetin kondýktorsyz atqarýǵa kóshemiz. Bul josparlardy oryndaý 3-5 jyl ýaqytty alady, - dedi E.Joldasov. Qoǵamdyq keńes músheleri kólik jyldamdyǵyn keshki, túngi ýaqytta saǵatyna 40 shaqyrymnan 60-70 shaqyrymǵa kóterý kerek degen usynys aıtyp, ony hattamaǵa engizetinderin jetkizdi.
Al ishki saıasat jáne jastar isteri jónindegi basqarma basshysynyń orynbasary B.Ádilhanov 17 óńirdiń ishinde Shymkent is-sharalar sany jóninen úzdik bestikke kiretinin atap ótti. Onyń aıtýynsha, bıyl 350-ge jýyq is-shara uıymdastyrylǵan. Onyń 75 paıyzy onlaın formatta ótken. Memleket saıasatyn nasıhattaý boıynsha 236 materıal jaryq kórgen. B.Ádilhanov qalada 840 úkimettik emes uıym baryn, biraq naqty belsendi jumys isteıtini júzden sál-aq asatynyn baıandady. Óz kezeginde keńes músheleri shalǵaı aýyldarda mektep bitirgen, biraq UBT testten óte almaı jumyssyz júrgen jastar kóp ekenin, sondyqtan aldymen olardyń sanyn naqty bilip alyp, sosyn olardy oqytý, jumysqa ornalastyrý boıynsha arnaıy jospar nemese baǵdarlama jasaý qajettigi jóninde usynys tastady. Sondaı-aq oqýshylar arasyndaǵy sýııdtiń aldyn alý maqsatynda qarjy bóldirip, bul iske bilikti psıhologtardy tartý týraly ıdeıa usyndy.
Sonymen birge memlekettik eńbek ınspekııasy basqarmasy basshysynyń baıandamasyna oraı keńes músheleri joǵary oqý ornyn bitirip kelgen jas mamandardan jumys ótilin talap etetin talapty alyp tastaý kerektigin, sondyqtan bul máselege baılanysty zańǵa tıisti túzetýler engizý jaǵyn qarastyryp kórý kerektigin sóz etti.
Ánýar JUMAShBAEV
