Shymkent qalalyq №2 aýrýhanasynyń bazasynda ıshemııalyq jáne gemorragııalyq ınsýlttiń avtomattandyrylǵan dıagnostıkasy úshin neıroradıologııa salasyndaǵy jasandy ıntellekt júıesi iske qosyldy.
Mı ınsýltyn 10 mınýt ishinde anyqtaıtyn «CEREBRA» jobasynyń tanystyrylymy barysynda jańa júıemen jumys isteý ádisi men aýrýdyń erte satysynda anyqtaýdyń mańyzdylyǵy tolyǵymen túsindirildi.
Qazaqstandyq tyń joba arqyly medıına mamandary ınsýltty erte deńgeıde anyqtap, ıshemııaǵa ushyraǵan aımaqty ýaqytynda emdeýdi bastaýǵa, operaııa jasaýǵa qarsy kórsetilimniń bar-joǵyn anyqtaý men emdeý sharalaryn der kezinde júrgize alady. Sonymen qatar atalmysh apparat ınsýlt ıadrosyndaǵy tinderdiń tyǵyzdyǵynyń ózgerýin eseptep otyrýǵa múmkindik beredi. Keleshekte jasandy ıntellekt jobasyn nevrologııada qoldaný josparlanýda.
Qazirgi ýaqytta «CEREBRA» jobasyna respýblıka boıynsha 6 qala men 8 ınsýlttyq ortalyq qosylǵan. Resmı málimetter boıynsha elimizde jyl saıyn 40 myńnan astam adam ınsýltqa ushyraıdy eken. Sala mamandarynyń aıtýynsha bul aýrý sońǵy jyldary jastar arasynda da jıi kezdesip, jyldan jylǵa jasaryp barady. Sondyqtan bul derttiń aldyn alýda erte dıagnoz qoıyp, emdelýdiń qoljetimdiligin arttyrý baǵytyndaǵy is-sharalardy kóptep uıymdastyrǵan abzal ekendigin atap ótti.
Shymkent qalasynyń Aqparattyq-kommýnıkaııalyq ortalyǵy
