Ary men uıatyn ysyryp qoıyp, qara basy men karabaıyr qulqynynyń qulyna aınalǵan reseılik Aleks Leslı bizdiń elge kire almaıdy. Onyń bulaı typyrshyp júrgendegi bar áreketi - eldi dúrliktirip, eshkim oqymaıtyn kitabyn satý ǵana. Aleks Leslıdiń qazaq topyraǵyna aıaǵyn attap basa almaıtyndy jaıly kásipqoı boksshy Janqosh Turarov pikir bildirdi. Sportshy bul týrasynda óziniń vıdeo-úndeýinde jetkizdi.
- Er-namysty jigitterimiz kóp. Qazaq qyzynyń namysyn aıaqqa taptatyp, qaraptan qarap otyrmaımyz. Ár qazaqtyń qyzyn qorǵaımyz. Myna Alekstiń istep júrgen tirligi júrekti aýyrtady. Ár qazaqtyń jigitteri namysshyl ekendigin kórsetip jatyr. Áýejaımen habarlastyq. Bizdiń jerge ushyp kelse de, deport jasalady. Ol óziniń kitabyn satý úshin haıp jasap jatyr. Vıdeolarynda Almatyǵa ushyp keldim dedi de, kitabynyń siltemelerin qoıyp qoıdy. Dúrligýge negiz joq... Qazaqtyń jigitteri jasaı bersin, qyzdarymyz, namysty bolaıyq. Bári ornynda, - dedi sport sańlaǵy.
View this post on Instagram
Aleks Leslı óziniń daýly beınejazbasynda Qazaqstanǵa kelip, qazaq qyzdaryn tósek qatynasyna tartýdyń túrli tásilin úıretetinin ashyq aıtqan edi.
Bir aıta keterligi, sońǵy kezderi reseılikterdiń qazaq esebinen atyn shyǵaryp, aıtaqqa erýi - qalypty jaǵdaıǵa aınaldy. Olardyń mundaı qarabaıyr áreketi, kerisinshe, qazaqtyń basyn biriktirip, kúsh alýyna, tilin qurmettep, dilin saqtaýyna yqpal etip jatyr. Reseılik belsendilerdiń basyna qazaqty qaralamasa, qazaqtyń arasyna kelip, konert ótkizbese, "kúnin de kóre almaıtyn" múshkil kún týǵandaı.
"Adyrna" ulttyq portaly
