Ekpe ananyń qursaǵyndaǵy balaǵa oń áser etedi. Sebebi, vakına alǵan soń anasynan bolashaq sábıine antıdene beriledi. Elordadaǵy №7 qalalyq emhananyń akýsher-gınekology Gúlnaz Islıamovanyń aıtýynsha, áıel vakınany júktiliktiń úshinshi trımestrinde saldyrǵan bolsa, onyń antıdeneleri balany kem degende jarty jyl qorǵaıdy, dep habarlaıdy QazAqparat.
– Júkti áıelderdi vakınalaý qalaı júzege asyp jatyr?
– Qazirgi tańda júkti jáne emizýli áıelderdi vakınaııalaý ońaıǵa soǵyp jatqan joq. Óıtkeni áleýmettik jelilerde taraǵan kóptegen jalǵan aqparattar, vıdeo-slaıdtar vakına egýge keri áserin tıgizýde.
Kóptegen áıelder sol jalǵan aqparatarǵa senip, vakına alýǵa qarsylyq bildiredi. Qazir aqparattyq tehnologııanyń damyǵan zamanynda vakınanyń aǵzaǵa, jatyrdaǵy sábıge oń áseri týraly aqparattanǵan áıelder kezdesedi. Soǵan qaramaı, ár júkti áıelmen vakınanyń paıdasy týraly áńgime júrgizemiz.
– Vakına júkti áıeldiń qursaǵyndaǵy sábıge qalaı áser etedi?
– Búginge deıin bizdiń emhanada 96 aıel vakına aldy, onyń 18-i júkti, 78-i – emizýli aıelder. Ekpe ananyń qursaǵyndaǵy balaǵa oń áser etedi. Sebebi, ekpe alǵan soń anasynan bolashaq sábıine antıdeneler beriledi.
Áıel vakınany júktiliktiń úshinshi trımestrinde saldyrǵan bolsa, onyń antıdeneleri balany kem degende jarty jyl qorǵaıdy.
Aıta keteıik, qazir álem boıynsha júkti áıelderdi egý bastaldy. Ekpe ataýy – «Komırnatı» - SARS-CoV-2 týdyratyn koronavırýstyq ınfekııanyń profılaktıkasyna arnalǵan mRNQ (nýkleozıdtermen modıfıkaııalanǵan) negizindegi KVI-ge qarsy vakına.
«Komırnatı» (Pfizer kompanııasynyń ónimi) quramynda ımmýndyq qorǵanysh týdyratyn vırýs joq, KVI ınfekııasyn týdyrýy múmkin emes. Bir qutyda suıyltqannan keıin 0,3 ml-den 6 doza bar.
- Júkti áıelderge qandaı jaǵdaıda vakına alýǵa bolmaıdy?
- belsendi zatqa nemese preparattyń kez-kelgen basqa komponentterine allergııa bolsa;
- júktiliktiń alǵashqy 16 aptasynda;
- júktilik merzimi 37 apta jáne odan joǵary bolsa;
- jiti ınfekııalyq aýrýlar kezinde;
- ımmýndy tapshylyqty aýrýlar;
- antıkoagýlıant terapııa qabyldap júrgen aıelderge, qan uıý jyldamdyǵy buzylǵan aıelderge (gemofılııa) ekpe alýǵa bolmaıdy.
– Koronavırýs júkti áıelderde qalaı júredi jáne qanshalyqty qaýipti?
Júkti áıelderde koronavırýs belgileri sımptomsyz júredi. Bárinde bolmasa da, kóbi óziniń aýyryp júrgenin baıqamaıdy. Al COVID-19 asqynǵanda aıaǵy aýyr áıelderdi emdeý ońaıǵa soqpaıdy.
Sondyqtan júkti áıelder COVID-19 vırýsyn juqtyrý boıynsha qaýipti topqa jatady. Ásirese ekstragenıtaldy aýrýy bar, ıaǵnı qant dıabeti, bronhıaldy astma, sozylmaly qabyný aýrýlary bar jáne 35 jastan asqan júkti áıelder úshin qaýipti.
Júktilik kezinde jatyrdyń ósýine baılanysty ókpege oryn az qalady jáne aıel aǵzasynda aınalymdaǵy qan kólemi joǵarylaıdy.
Ishtegi uryqty ottegimen qamtamasyz etý úshin ananyń júregi men qantamyrlarǵa 2 ese kúsh túsedi. Vırýs juqqan sátte, osy atalǵan aǵzalarǵa áserin tıgizedi, júktilik aǵymynyń asqynýyna ákelýi múmkin.
Sondyqtan, qazirgi ýaqytta ana men bala densaýlyǵyn saqtaýdyń eń tıimdi joly – vakına alý.
“Adyrna” ulttyq portaly
