Ekpe ananyŋ qūrsaǧyndaǧy balaǧa oŋ äser etedı. Sebebı, vaksina alǧan soŋ anasynan bolaşaq säbiıne antidene berıledı. Elordadaǧy №7 qalalyq emhananyŋ akuşer-ginekology Gülnaz İsliamovanyŋ aituynşa, äiel vaksinany jüktılıktıŋ üşınşı trimestrınde saldyrǧan bolsa, onyŋ antidenelerı balany kem degende jarty jyl qorǧaidy, dep habarlaidy QazAqparat.
– Jüktı äielderdı vaksinalau qalai jüzege asyp jatyr?
– Qazırgı taŋda jüktı jäne emızulı äielderdı vaksinasiialau oŋaiǧa soǧyp jatqan joq. Öitkenı äleumettık jelılerde taraǧan köptegen jalǧan aqparattar, video-slaidtar vaksina eguge kerı äserın tigızude.
Köptegen äielder sol jalǧan aqparatarǧa senıp, vaksina aluǧa qarsylyq bıldıredı. Qazır aqparattyq tehnologiianyŋ damyǧan zamanynda vaksinanyŋ aǧzaǧa, jatyrdaǧy säbige oŋ äserı turaly aqparattanǧan äielder kezdesedı. Soǧan qaramai, är jüktı äielmen vaksinanyŋ paidasy turaly äŋgıme jürgızemız.
– Vaksina jüktı äieldıŋ qūrsaǧyndaǧy säbige qalai äser etedı?
– Bügınge deiın bızdıŋ emhanada 96 aiel vaksina aldy, onyŋ 18-ı jüktı, 78-ı – emızulı aielder. Ekpe ananyŋ qūrsaǧyndaǧy balaǧa oŋ äser etedı. Sebebı, ekpe alǧan soŋ anasynan bolaşaq säbiıne antideneler berıledı.
Äiel vaksinany jüktılıktıŋ üşınşı trimestrınde saldyrǧan bolsa, onyŋ antidenelerı balany kem degende jarty jyl qorǧaidy.
Aita keteiık, qazır älem boiynşa jüktı äielderdı egu bastaldy. Ekpe atauy – «Komirnati» - SARS-CoV-2 tudyratyn koronavirustyq infeksiianyŋ profilaktikasyna arnalǧan mRNQ (nukleozidtermen modifikasiialanǧan) negızındegı KVİ-ge qarsy vaksina.
«Komirnati» (Pfizer kompaniiasynyŋ önımı) qūramynda immundyq qorǧanyş tudyratyn virus joq, KVİ infeksiiasyn tudyruy mümkın emes. Bır qūtyda sūiyltqannan keiın 0,3 ml-den 6 doza bar.
- Jüktı äielderge qandai jaǧdaida vaksina aluǧa bolmaidy?
- belsendı zatqa nemese preparattyŋ kez-kelgen basqa komponentterıne allergiia bolsa;
- jüktılıktıŋ alǧaşqy 16 aptasynda;
- jüktılık merzımı 37 apta jäne odan joǧary bolsa;
- jıtı infeksiialyq aurular kezınde;
- immundy tapşylyqty aurular;
- antikoaguliant terapiia qabyldap jürgen aielderge, qan ūiu jyldamdyǧy būzylǧan aielderge (gemofiliia) ekpe aluǧa bolmaidy.
– Koronavirus jüktı äielderde qalai jüredı jäne qanşalyqty qauıptı?
Jüktı äielderde koronavirus belgılerı simptomsyz jüredı. Bärınde bolmasa da, köbı özınıŋ auyryp jürgenın baiqamaidy. Al COVID-19 asqynǧanda aiaǧy auyr äielderdı emdeu oŋaiǧa soqpaidy.
Sondyqtan jüktı äielder COVID-19 virusyn jūqtyru boiynşa qauıptı topqa jatady. Äsırese ekstragenitaldy auruy bar, iaǧni qant diabetı, bronhialdy astma, sozylmaly qabynu aurulary bar jäne 35 jastan asqan jüktı äielder üşın qauıptı.
Jüktılık kezınde jatyrdyŋ ösuıne bailanysty ökpege oryn az qalady jäne aiel aǧzasynda ainalymdaǧy qan kölemı joǧarylaidy.
Iştegı ūryqty ottegımen qamtamasyz etu üşın ananyŋ jüregı men qantamyrlarǧa 2 ese küş tüsedı. Virus jūqqan sätte, osy atalǧan aǧzalarǧa äserın tigızedı, jüktılık aǧymynyŋ asqynuyna äkeluı mümkın.
Sondyqtan, qazırgı uaqytta ana men bala densaulyǧyn saqtaudyŋ eŋ tiımdı joly – vaksina alu.
“Adyrna” ūlttyq portaly
