Aqtaý mańyndaǵy ushaq apatyna baılanysty reseılik Rosavıaııa basshysy Dmıtrıı Iadrov málimdeme jasady. Ol Ázerbaıjan áýe joldarynyń ushaǵy jaqyndaǵanda Groznyı ústinde ýkraınalyq drondar ushyp júrgenin aıtty, dep habarlaıdy “Adyrna” ulttyq portaly.
Tvrain málimetinshe, ol eki kúnnen beri alǵash ret resmı málimdeme jasap otyr.
Iadrov bolǵan jaǵdaıdyń barlyq mán-jaıyn muqııat tekserý qajettigin aıtqan. Onyń sózinshe, apat bolǵan kúni Groznyı áýejaıynyń mańyndaǵy jaǵdaı óte qıyn bolǵan. Iadrovtyń aıtýynsha, "Ýkraına drondary osy ýaqytta Groznyı jáne Vladıkavkaz qalalarynda azamattyq ınfraqurylymǵa shabýyl jasaǵan".
Osy kezde áýejaı aımaǵynda barlyq áýe kemeleriniń kórsetilgen keńistikten dereý ketýin kózdeıtin "kilem" rejımi engizilgen.
Sonymen qatar, tuman túsip, 500 metr bıiktikti kórý qıynǵa aınalǵan.
“Áýe kemesiniń komandıri Groznyıǵa ushaqty qonýǵa eki ret áreket jasady, onysy sátsiz boldy. Komandırge basqa áýejaılar usynyldy. Ol Aqtaý áýejaıyna barý týraly sheshim qabyldady”, - dep qorytyndylady Rosavıaııa basshysy.
Eske sala keteıik, 25 jeltoqsan kúni Aqtaý qalasynyń mańynda Azerbaijan Airlines áýekompanııasynyń Bakýden Groznyıǵa baǵyt alǵan jolaýshylar ushaǵy apatqa ushyrap, 38 adam qaza tapqan bolatyn.
Bortta 5 ekıpaj múshesin qosa alǵanda 67 adam bolǵan. Jolaýshylardyń 6-aýy Qazaqstan, 42-si Ázerbaıjan, 3-eýi Qyrǵyzstan, 16-sy Reseı azamaty. 29 adam jaraqat alyp, aýrýhanaǵa jatqyzyldy, olardyń arasynda eki bala bar. Apattan aman qalǵandar arasynda qazaqstandyqtar joq.
Eske salsaq, 2020 jyly 8 qańtarda Tegeran (Iran) áýejaıy mańynda "Halyqaralyq Ýkraına áýe jelisiniń" ushaǵy ushyp shyqqannan keıin ile-shala eki zymyran atyp túsirgen bolatyn.
№752 reısindegi ushaqta bolǵan 176 adam túgel mert bolǵan edi.
Birneshe kúnnen soń Iran bıligi ýkraınalyq ushaqty áskerılerdiń "qatelesip" atyp túsirgenin moıyndap, "bul adam faktorynan bolǵan apat" dedi.
Sol kezde Irannyń syrtqy ister mınıstri Muhammed Djavad Zarıf ushaq apatynan qaza bolǵandardyń otbasynan keshirim surap, kóńil aıtty.
Al Reseı Aqtaý mańyndaǵy ushaq apatyna shabýyl jasalǵanyn Batys dálelder keltirgennen keıin ǵana moıyndady. Degenmen keshirim suramady.
Buǵan deıin Ázirbaıjan parlamentiniń depýtaty Rasım Musabekov “Reseı tarapy Ázerbaıjannan keshirim suraýy kerek” dep málámleme jasaǵan bolatyn.
2014 jyldyń 17 shildesinde de Reseı malaızııalyq MN17 ushaǵyn atyp túsirgen bolatyn. Ushaqta bolǵan barlyq 298 jolaýshy, onyń ishinde 80 bala jáne 15 ekıpaj múshesi qaıtys bolǵan edi.
Sol kezde Reseı Ýkraınadan Ýkraına Reseıden kórgen bolatyn. Ushaqtyń «qara jáshigin» Reseıge jibergen, al Ýkraına buǵan qarsy shyǵyp: «Separatıster apat sebebin jasyrýdy kózdeıdi» dep málimdegen.
Alaıda ushaq Reseı qoldaıtyn búlikshiler baqylaýyndaǵy aýmaqtan atylǵan zymyran júıesi arqyly apatqa ushyraǵany belgili boldy. JIT tujyrymdaryna sáıkes, ushaqty atqan ızymyran Reseı Qarýly kúshteriniń 53-shi Áýe qorǵanys brıgadasyna tıesili jáne apat bolǵan kúni Reseıden Ýkraınaǵa jetkizilgen. Ushaqty atyp túsirgennen keıin zymyran Reseı aýmaǵyna qaıtqan. Nıderland memlekettik prokýratýrasy 2014 jyldyń jazynda kóterilisshiler kúshterin basqarǵan Reseı azamaty Igor Strelkov pen onyń qaramaǵyndaǵy úsh adamdy apatqa qatysy bar dep aıyptady.
