Kaspi arqyly aqsha aýdarý: salyq tóleıtinimiz ras pa? - Mınıstrlik jaýap berdi

14014
Adyrna.kz Telegram

Qazir jelide jeke tasymaldaýmen aınalysatyn adamdardy mobıldi aýdarymdardan bas tartyp, qolma-qol aqshaǵa kóshýge shaqyratyn aqparat taralýda. Osyǵan baılanysty qarjy mınıstrligi mobıldi aýdarymdardy paıdalanýǵa qatysty salyq zańnamasyna ózgerister engizý týraly habarlady, dep jazady "Adyrna" ulttyq portaly stan.kz-ke silteme jasap.

- Jeke tulǵalardyń jeke aýdarymdaryn kásipkerlik maqsatta tólenetin tólemderden bólýi týraly bıznes qaýymdastyqpen, banktermen birneshe ret talqylandy. Bul bastamalardyń maqsaty ıfrlyq keńistikte bıznesti odan ári damytý, jáne olar qolma-qol aqshaǵa kóshý maqsatyn kózdemeıdi, - dep málimdedi mınıstrliktiń baspasóz qyzmeti.

Mınıstrlik málimetterdi memlekettik kiris organdaryna berý týraly alańdaýshylyqty negizsiz dep atady.

- 2022 jyldan bastap bankterden tek kásipkerlik esepshotqa túsetin tólemder týraly aqparat alý josparlanýda. Osylaısha, jeke aýdarymdarǵa salyq salynbaıdy. Máselen, taksı júrgizýshileri patent negizinde arnaıy salyq rejımin qoldana alady. Bul rejım jylyna 10,3 mıllıon teńgeden aspaıtyn tabys úshin qolaıly. Kassaǵa keletin bolsaq, qazir birneshe mobıldi qosymshalar bar, kásipker kez kelgen banktiń mobıldi nusqasyn júkteı alady. Baqylaý-kassalyq mashınany tolyǵymen zańdy negizde qoldanyńyz. Al salyq eseptiligi E-Salyq Business qosymshasy engizilgennen keıin avtomatty túrde qalyptasady. Biz kásipkerlerdi arandatýshylyqqa boı aldyrmaýǵa jáne ýákiletti organdardyń resmı aqparatyn ǵana paıdalanýǵa shaqyramyz, - dep málimdedi qarjy mınıstrligi.

Mınıstrlik jeke kásipkerlerge salyq salýǵa yńǵaıly bolý úshin birneshe salyq rejımderi bar ekenin, olardyń ishinen eń qolaılysyn tańdaýǵa bolatynyn túsindirdi. Bul sharalardyń barlyǵy bıznesti júrgizýdi odan ári jeńildetýge baǵyttalǵanyn, sondaı-aq jeke kásipkerler 2023 jylǵa deıin tabys salyǵyn tóleýden bosatylatynyn málimdedi.

"Adyrna" ulttyq portaly

Pikirler