Resmı málimetke súıensek, bir ǵana Taraz qalasynyń ózinde byltyr 48 adam óz-ózine qol salǵan. Al bıyl 43 derek tirkelgen. Onyń 36-sy — er adam dep habarlaıdy "Adyrna" ulttyq portaly "alashainasy.kz" saıtyna silteme jasap.
Mamandardyń aıtýynsha, adamnyń óz-ózine qol salǵan jerine qarap, onyń ne sebepti ómirimen qoshtasqanyn ańǵarýǵa bolady eken. Mysaly, bala úıinde sýııd jasasa, otbasynda kıkiljiń bolýy múmkin. Al ólim orny mektep bolsa, demek synyptastarymen nemese ustazdarynyń arasynda kelispeýshilik bolǵan, álde oqý úlgeriminde qıyndyqtar týyndaǵan. Keıde adam aldyna qoıǵan maqsatyna jete almaǵanda ózine qol salýǵa májbúr bolatynyn mamandar jıi alǵa tartady.
– Óz-ózine qol salýǵa kóbine otbasylyq jaǵdaıdyń tómendeýi, jumystan shyǵyp qalǵan adamdar barady. Keıde uzaq ýaqyt boıy kúızeliste júrgen adamdar sýııd jasaıdy. Statıstıkaǵa súıenetin bolsaq, óz-ózine qol salý keıingi kezderi er adamdardyń arasynda kóp kezdesetin bolǵan. Naqty jasyna kelsek, ózin ólimge qıǵandardyń ortasha jasy 18 ben 30 jas aralyǵyn quraıdy, – deıdi Taraz qalalyq polıııa basqarmasynyń resmı ókili, polıııanyń aǵa leıtenanty Janerke Ázimhan.
Al áıel zaty kóp jaǵdaıda jigiti aldap soqqanda, aryn taptaǵanda ózine qol salady. Al erkekterge ne joryq? Ne sebepti keıingi kezderi erkekterdiń sýııdi kóbeıdi?
– Buǵan basty sebep – karantın. Álemdik pandemııa kezinde úıde otyryp qalǵan erkek ózin qamaýda júrgendeı sezine bastady. Erkek – erkindikti súıetin jaratylys. Atam zamannan er-azamattar túzde júrse, áıel balasy oshaq qasynda boldy. Karantın, mine osy qalyptasqan tabıǵı zańdylyqty buzdy. Úıde bala-shaǵanyń qamymen júretin áıel úshin karantın sezilgen joq. Sebebi analardyń deni ómirin úıde, bala kútimimen ótkizedi. Al er-azamattar úı qabyrǵasyna syımaı, ózin kereksiz sezine bastady.
Er-azamattar úshin negizi kúndelikti jańalyq, adrenalın dúnıeler kerek. Ashýynyń basýyn da olar sodan tabady. Al úıde otyryp qalǵan erkek ashýshań, sóz kótere almaıtyn, ne bolsa soǵan tısip otyratyn kúıge tústi. Ony jaıshylyqta kúıeýin keshkisin bir-aq kóretin áıelderdiń deni kótere almady. Sodan úıde urys shyǵyp, sońy shańyraq shaıqaldy. Áıel bala-shaǵany alyp tórkinge ketse, erkek ókpe men ashýyn araqpen jazdy. Osylaısha, júıke kúızelisine túsken er-azamattar ózin jalǵyz sezinip, sońy óz ómirin ólimge qıyp jatady, – deıdi psıholog Ertaı Jumat.
Sonymen qatar maman karantın kezinde kóp tirshilik toqtaǵandyqtan, halyqtyń deni qaryzyn qaıtara almaı, bıznesteri bankrotqa ushyraǵanyn, bul jaǵdaıǵa túsken erler óz-ózine qol jumsaýy múmkin ekenin aıtty.
"Adyrna" ulttyq portaly.
