"Zaman-aı" áni japon karaokesinde aıtylatyn ánder tizimine engen dep habarlaıdy "Adyrna" ulttyq portaly.
Bul týraly óziniń feısbýk paraqshasynda Qazaqstan Jazýshylar Odaǵynyń tóraǵasy, belgili aqyn Ulyqbek Esdáýlet jazdy.
"Japonııada qazaq, aǵylshyn, japon tilderinde jaryq kórgen "Zaman-aı" ániniń dıskisi. Oryndaýshy tokıolyq ánshi Tomako. Qazaqshasy bizdiń Roza Rymbaevanyń oryndaýynda berilgen. Japon karaokesinde aıtylatyn ánder tizimine enipti. Kompozıtor dosym Tólegen Muhamedjanovtyń mýzykasyna jazǵan óleńimiz bul kúnde álemdik antııadrolyq qozǵalys gımnine aınaldy", — dep jazdy aqyn.
Aıta ketý kerek, ánshi Roza Rymbaeva oryndaıtyn "Zaman-aı" áni shyqqannan keıin kóp uzamaı Japonııanyń Qazaqstandaǵy elshiligi ánniń avtory Ulyqbek Esdáýletke habarlasqan. "Qazaq pen japonnyń qasireti bir. Eki ult ta ıadrolyq synaqtan qasiret kórdi. Ruqsat etseńiz, sizdiń jáne kompozıtor Tólegen Muhamedjanovtyń avtorlyq quqyn saqtaı otyryp, japon tiline aýdaryp, ándi oryndaǵymyz keledi", – dep kelisim berýin suraǵan. Aqyn men sazgerden ruqsat alynǵannan keıin án japon tiline aýdarylyp, Tomako esimdi tanymal ánshisi sahna tórine alyp shyqqanda, japondar ánniń áserinen seltıip turyp qalǵan.
"Adyrna" ulttyq portaly.
