Jastarǵa ónege

2706
Adyrna.kz Telegram

Qazaqstan Respýblıkasy Ulttyq mýzeıinde elimizdiń mádenı murasyn, sondaı-aq, mýzeıde ornalasqan qundy jádigerlerdi nasıhattap, jastardyń bilimin shyńdaýdy, stýdentterdiń shyǵarmashylyq qabyletterin anyqtap, ózara bir-birine tanytýǵa yqpal jasaýdy maqsat tutqan «Dana» stýdentter klýby osydan bir jyl buryn qurylǵan edi. Osy ýaqyt aralyǵynda «Dana» mýzeılik bilim berý jobasy aıasynda birqatar is sharalar ótkizilip, olarǵa Elordanyń joǵary oqý oryndarynyń stýdentteri qatysyp keledi.

«Dana» stýdentter klýby ómiri men eńbek joly úlgi tutarlyq tulǵalar men jas urpaqtyń arasyn jalǵaýshy altyn kópir sekildi. Úlken ómirge endi ǵana aıaq basyp kele jatqan stýdentter men oqýshylar ózderi kezdesken tulǵalardan ósıet tyńdap, aldaǵy ómirine sáıkes nasıhat alady. Sondaı, kezdesýlerdiń biri – belgili arhıtektor, sýretshi, talant ıesi Sáken Narynovpen kezdesý keshi boldy.

Álemniń eń ataqty 20 músinshisi tizimine engen sheberdiń «Qazaq halqynyń etnıkalyq baǵyttary» taqyrybynda jan-jaqty órbigen zerdeli áńgimesi men oıly pikirleri júrekke jetip jatty. Kezdesý barysy músinshiniń mýzeı ekspozıııasynda ornalasqan «Ýaqyt pen keńistikte» kórmesin tamashalaýmen jalǵasty. Atalmysh stýdentter klýbynda úlken býyndy aǵalarmen qatar shyǵarmashyl jastarmen de kezdesýler uıymdastyrylyp turady. Sol jalyndy jastardyń biri, talant ıesi, jas ánshi, kompozıtor Asqar Áshimmen kezdesý ótkizildi.

Asqar óz shyǵarmashylyǵy jaıly áńgime qozǵap, ana tilinde, sondaı aq ózge  de tilderdegi ánderin joǵary sheberlikpen oryndap, kezdesýge qatysqan jastardyń alǵysyna bólendi. Jandy daýysta oryndaǵan ánderi gıtara jáne kahon aspaptarymen súıemeldendi.

Tyńdarman stýdentter qaýymy  jan-jaqty suraqtar qoıyp, birigip án shyrqap, kezdesýdiń odan ári qyzyqty bolyp jalǵasýyna atsalysty.

Jınalǵan jastar qaýymy erekshe kezdesýden ádemi kúı keshti.


nationalmuseum.kz

Pikirler