Belgili jazýshy Rahymjan Otarbaev dúnıeden ozdy

798

Belgili jazýshy, dramatýrg, Qazaqstannyń eńbek sińirgen qaıratkeri Rahymjan Otarbaev ómirden ozdy. Qaraly habar týraly feısbýktegi paraqshasynda aqyn Baýyrjan Qaraǵyzuly jazdy.

"Qaıran Aǵam-aı! Ótkinshi dúnıe-aı! Rahymjan Otarbaev dúnıeden ótipti! Sene almaı otyrmyn! Tóbemnen jaı túskendeı bolyp otyrmyn! Imany salamat bolsyn, qaıteıin…", — dep jazdy aqyn.

Rahymjan Otarbaev 1956 jyly 19 qazanda Atyraý oblysy Qurmanǵazy aýdanynda dúnıege kelgen. 1977 jyly Oral pedagogıka ınstıtýtyn bitirgen.

Ár jyldarda "Oral óńiri" gazetinde tilshi, qazaq tili men ádebıeti pániniń muǵalimi, Qazaq teleradıo komıtetine redaktor, "Qazaq ádebıeti" gazetinde, "Jalyn" almanahynda bólim meńgerýshisi, Qyrǵyzstanda Qazaqstan elshiliginiń attashesi, Mańǵystaý oblystyq radıo-televıdenıe kompanııasynyń tóraǵasy, Atyraý oblystyq drama teatrynyń dırektory, QR Prezıdenti Ákimshiliginde sektor meńgerýshisi jáne t.b laýazymdy qyzmetter atqardy.

Astanadaǵy Ulttyq akademııalyq kitaphananyń bas dırektory boldy.

Jazýshynyń ár jyldary "Sher", "Juldyzdar qulaǵan jer", "Jaıyq jyry", "Qarasha qazdar qaıtqanda", "Daýysyńdy estidim", "Otverjennyı mır" atty prozalyq jınaqtary jáne tańdamaly shyǵarmalarynyń 2 tomdyǵy jaryq kórgen. Qytaıdyń "Ulttar" baspasynan qytaı, qazaq tilinde 2 tomdyǵy, Reseıdiń "Hýdojestvennaıa lıteratýra" baspasynan orys tilinde bir tomdyǵy jáne qyrǵyz tilinde kitaptary jaryq kórgen. Jekelegen shyǵarmalary túrik, arab, aǵylshyn tilderinde basylǵan. "Beıbarys sultan", "Bas", "Nashaqor jaıly novella", "Nurjaýǵan-ǵumyr", "Syrym batyr", "Mustafa Shoqaı" syndy pesalary respýblıkalyq jáne shetel teatrlarynda sahnalanǵan.


 Sputniknews.kz

Pikirler
Redakııa tańdaýy