Japoniianyŋ Gumma prefekturasynda senbıge qaraǧan tünı 56 avtokölık qatysqan ırı jol-kölık oqiǧasy oryn aldy, dep habarlaidy "Adyrna" ūlttyq portaly RİA Novosti agenttıgıne sılteme jasap.
Minakami qalasy maŋyndaǧy Kanesu tasjolymen kele jatqan ırı jük kölıgı taiyp ketıp, jolda toqtap qalǧan. Oǧan jeŋıl kölıkter soqtyǧysyp, saldarynan ört şyqqan.
Kuägerlerdıŋ aituynşa, apat joldyŋ eŋıs bölıgınde jäne būrylystan keiın bolǧan. Osy sebeptı jük kölıgınıŋ artynda kele jatqan jürgızuşıler joldaǧy jaǧdaidy aldyn ala baiqamai, bırınen soŋ bırı soqtyǧysqan.
Qazırgı uaqytta apat bolǧan jol bölıgınde qozǧalys ekı baǧytta da tolyqtai toqtatylǧan.
Japondyq būqaralyq aqparat qūraldarynyŋ deregınşe, jol apaty saldarynan bır adam qaza tauyp, kemınde 26 adam jaraqat alǧan. Onyŋ ışınde bes adam auyr hälde auruhanaǧa jetkızılgen, al 21 adam jeŋıl jaraqat alǧan.
Oqiǧa kuägerlerınıŋ bırı:
«Jeŋıl kölıkten aldymen tütın şyǧyp, keiın ört tūtana bastady. Barlyǧy būrylysta boldy, adamdar ne bolyp jatqanyn tüsınbei, jol tömen qarai ketkendıkten soqtyǧysa berdı», – dep mälımdedı.
