El maqtanyshtarynyń esimderi ulyqtaldy

1702
Adyrna.kz Telegram

Shymshaharda qalalyq memlekettik arhıvtiń uıymdastyrýymen táýelsizdiktiń 30 jyldyǵyna oraı «Táýelsizdik jyldaryndaǵy Qurmetti azamattar» kórmesi ótti. Bul joly qalanyń qurmetti azamattary alleıasyna túrli sporttyq dodalarda elimizdiń dańqyn shyǵarǵan azamattar jınaldy.

Kórmede egemendik alǵan jyldarda 139 azamattyń memlekettik arhıvterde saqtaýda turǵan qujattary negizinde jınaqtalǵan málimetter jasaqtaldy. Eńbegi sińgen tulǵalardyń jeke kitaptary, jobalary men fotolary, qujattamalary jınalǵan kópshilikke usynyldy.

Is-shara barysynda qazaq sportynyń sańlaqtary, el maqtanyshtarymen kezdesý uıymdastyryldy. Jıynnyń qurmetti qonaǵy bolǵan olımpıadalyq dárejedegi tóreshi Baqytjan Jaqsyqulov pen qazaq boksynyń darabozy Nurjan Smanov ómirde óz túıgenderimen oı bólisti. Bolashaqtyń jarqyn bolýy úshin jastarǵa baǵyt-baǵdar berdi. Jıynda el maqtanyshtary jastarǵa óz tájirıbelerimen bólisip, ómirlik keńester berip, sportpen shuǵyldanýǵa úndedi.

Jıynda sóz alǵan qalalyq memlekettik arhıvtiń dırektory Aıpar Amangeldıeva atalǵan jobanyń mańyzyna toqtaldy. Búginde qalalyq arhıv mekemesi «Arhıv-2025» keshendik jospary boıynsha táýelsizdik jyldary qalaǵa eleýli úlesin qosqan azamattar týraly málimetter jınaǵyn jaryqqa shyǵarýdy josparlap otyr. Usynylǵan málimetter Shymkent qalasy memlekettik arhıvi men qalalyq máslıhaty arhıvi jáne Túrkistan oblysynyń memlekettik arhıvinde turǵan qujattar negizinde jınaqtalǵan.

Pikirler