Shymkent qalasynyń opera jáne balet teatry álemge áıgili «Selskaıa chest» operasyn kórermenderge tartý etti.
Atalǵan operanyń alǵashqy premerasy 2017 jyly Shymkent opera jáne balet teatrynda sahnalanǵan bolatyn. Óner ujymy QR Táýelsizdiginiń 30 jyldyǵyna oraı álemdik operany ónersúıer qaýymǵa tartý etip, kópshiliktiń ystyq yqylasyna bólendi.
Úzdik týyndyny sahnalaýǵa álemge áıgili jáne elimizge tanymal óner maıtalmandary jumyldyryldy.
P.Maskanıdiń «Selskaıa chest» operasynyń premerasy alǵash ret 1890 jyly Rım qalasynda «Kostanı» teatrynda sahnalanǵan bolatyn. Bir aktili opera jelisi sıılııalyq aýylda ótedi.
Dj.Vergıdiń novellasynyń oqıǵa jelisimen jazylǵan opera P.Maskanıdiń álemge áıgili eń úzdik jáne tanymal shyǵarmalarynyń biri.
Opera keıipkerleri arasyndaǵy qarym-qatynastar men shıelenister áýezdi mýzykamen kómkerilip, kórermenderge oqıǵany áserli etip jetkizedi.
«Selskaıa chest» operasynda jastardyń mahabbat jolyndaǵy kúresi, satqyndyq, talas-tartys, sodan órbıtin shytyrman eliktirer oqıǵa, qandy kekpen aıaqtalatyn sıýjette adamdyq emoııalar sheber sýrettelgen.
Basty rólde halyqaralyq baıqaýlardyń laýreaty, Máskeý qalasynan kelgen Ekaterına Golovleva – Santýa rólin somdap shyqty. Týrrıdý rólinde operamyzdyń solısti, halyqaralyq konkýrstardyń laýreaty Jumabek Qańtarbaev jáne Ózbekstan memleketi Alısher Naýaı teatrynan kelgen Begzod Sadykov oınady.
Qoıylym rejısseri – Qyrǵystan Respýblıkasynyń eńbek sińirgen mádenıet qaıratkeri Nurlan Asanbaev, Dırıjer – Temirjan Erjanov.
Rólderde qalalyq teatrdyń solısteri, hor, balet jáne sımfonııalyq orkestr ártisteri óner kórsetti.
