Shymkent qalasyndaǵy onkologııalyq ortalyqta biregeı ota jasaldy. Dárigerler tuńǵysh ret qalqansha beziniń qaterli isigin tiliksiz aldy.
Ota jasalǵan 49 jastaǵy naýqasta birneshe jyl buryn qalqansha beziniń ústinde isik paıda bolǵan. Jyl ótken saıyn bul isik úlkeıip, jutyný men tynys alýdy qıyndatqan.
Onkohırýrgtar operaııa barysynda qalqansha bezindegi isikti endovıdeohırýrgııalyq ádispen aldy. Dárigerlerdiń sózinshe, naýqastyń qazirgi jaǵdaıy jaqsy. Bir-eki kúnde aýrýhanadan shyǵarýdy josparlap otyr.
Buǵan deıin mundaı ota onkologııalyq ortalyqta ashyq ádispen jasalynyp kelgen bolatyn. Mamandar endovıdeohırýrgııalyq ádispen jasalǵan operaııalardyń ashyq tilikten qaraǵanda artyqshylyǵy kóp ekenin aıtady. Operaııalardan keıingi asqynýlar óte sırek kezdesip, aýyrsynýdy basatyn dári-dármekterge muqtajdyq bolmaıdy. Eń bastysy mundaı ota tiliksiz jasalǵandyqtan moıynda tyrtyq qalmaıdy.
Osy operaııanyń Onkologııalyq ortalyqta kúndelikti tájirıbege enýine at salysqany úshin «Sofie Med» klınıkasynyń hırýrg dárigeri Mýhamedjan Nýrgazıevqa ortalyq ákimshiligi alǵysyn bildirip otyr.
Dárigerler aldaǵy ýaqytta mundaı operaııalardyń úlesin arttyrýǵa nıetti.
