Shymkentte «Selskaıa chest» operasy sahnalandy

1635
Adyrna.kz Telegram

QR Táýelsizdiginiń 30 jyldyǵyna oraı Shymkent qalasynyń opera jáne balet teatry ujymy álemdik shyǵarma «Selskaıa chest» operasyn kórermenderge tartý etti.

Dj.Vergıdiń novellasynyń oqıǵa jelisimen jazylǵan P.Maskanıdiń álemge áıgili eń úzdik jáne tanymal shyǵarmasyn sahnalaýǵa álemge áıgili jáne elimizge tanymal óner maıtalmandary qatysty.

Opera barysynda shyǵarma keıipkerleriniń arasyndaǵy qarym-qatynastar men shıelenisterdi áýezdi mýzykanyń yrǵaǵymen tamashalaǵan kórermenderge oqıǵanyń qandy kek alýmen aıaqtalýy qatty áser etti. Oqıǵa jelisi boıynsha onda jastardyń mahabbat úshin kúresi, talas-tartysy, satqyndyǵy, egesi bar edi.

Qoıylymda basty róldi halyqaralyq baıqaýlardyń laýreaty, Máskeý qalasynan kelgen Ekaterına Golovleva somdap shyqty.

Qoıylym rejısseri – Qyrǵyzstan Respýblıkasynyń eńbek sińirgen mádenıet qaıratkeri Nurlan Asanbaev, Dırıjeri – Temirjan Erjanov.

Shymkent qalasynyń Aqparattyq-kommýnıkaııalyq ortalyǵy

Pikirler