Úshinshi megapolıste III respýblıkalyq «Qaıyrymdylyq kerýeni» baıqaýynyń qatysýshylary marapattaldy. «Túrkistan» saraıynda ótken saltanatty jıynda týǵan ólkeni túletip, halyqtyń áleýmettik jaǵdaıyn jaqsartýǵa atsalysqan isker azamattardy qalalyq máslıhat hatshysy Bahadyr Narymbetov quttyqtap, alǵys hat tabystady.
– Qoǵamda bolyp jatqan árbir oqıǵanyń artynda adam basyna túsken qaıǵy men muń, meıirimdilik pen mahabbat tur. Meıirimdilik pen yntymaq birikken kezde, tótep bere almaıtyn qıyndyq bolmaıdy. Shymkentte de osyndaı udaıy ıgi istiń basy-qasynda tabylatyn jandar az emes. Olardyń qaıyrymdy isterin barynsha nasıhattap, kórsetýimiz kerek. Qýanyshty hám jaqsylyqty bólisken saıyn artady. Qalamyzda jomart júrekti jandarymyz kóp. Jastardy izgilikte jarysýǵa úıretýimiz kerek. Qaıyrymdylyq jasaý úshin asyp-tasyp baı bolýdyń qajeti shamaly, eń bastysy, meıirimdi júregiń men taza nıetiń bolsa jetkilikti, - dedi Bahadyr Mádáliuly.
Respýblıkalyq saıysqa jalpy sany 670 ótinim qabyldanǵan. Nátıjesinde, bes nomınaııa boıynsha 30 adam jeńimpaz atandy. Baıqaý jeńimpazdary «Týǵan jer», «Asar», «Meıirim jolynda», «Batyl júrek», «Qaıyrymdylyq tarıhy» sııaqty atalym boıynsha anyqtaldy. Meıirimdilikke bastaıtyn izgi jobaǵa Tuńǵysh Prezıdent qory men Qazaqstannyń isker áıelder qaýymdastyǵy muryndyq bolyp otyr.
Uıymdastyrýshy Elmıra Sozaqbaeva shaharda «Qaıyrymdylyq kerýeni» IV respýblıkalyq konkýrsyna ótinimder qabyldaý bastalǵanyn jetkizdi. Baıqaýǵa qatysý úshin ótinimderdi qabyldaý 30 qarashaǵa deıin jalǵasady.
Azamat JAPPAR
Foto Serik QOSAEV
