Shymkent qalalyq opera jáne balet teatry 30-31 qazan kúnderi táýelsizdiktiń 30 jyldyǵyna ulttyq mýzyka jaýhary – E.Brýsılovskııdiń qaıta jańǵyrǵan «Qyz Jibek» operasyn usynbaq. Bul týraly óner ordasynda ótken brıfıngte teatr dırektory Maıra Muhamedqyzy málimdedi.
– Bıyl elimizdiń mýzykalyq-sahna álemindegi tuńǵysh qazaq operasy "Qyz Jibektiń" dúnıege kelgenine – 87 jyl. Bul opera týyndysy barsha álemdi selt etkizip, yqlas-zeıinin ózine birden tartty. "Qyz Jibek" búgingi kúni ulttyq opera ónerinde eń uzaq baqytty ómir keshken keremet týyndy. Ulttyq ónerimizdiń altyn qoryna engen 2 aktili 4 kórinisti opera Shymkentte 2010 jyly A.Altynbekovtyń rejısserligimen sahnalanǵan bolatyn. Araǵa jyldar salyp, qoıylymdy jańasha stılde qoıý maqsatynda, Shymkent qalalyq opera jáne balet teatryna Reseı Federaııasynyń rejıssery Mıhaıl Pandjavıdze arnaıy shaqyrtyldy ,- dedi M. Muhamedqyzy.
Spıkerdiń aıtýynsha, bul joly sahnada arý Jibekti somdaıtyn Túrkistan mýzykalyq drama teatrynyń vokal ártisi Áıkerim Sháripbek jáne teatrymyzdyń jas solısi halyqaralyq baıqaýlardyń laýreaty Juldyzaı Musaeva - Jibektiń boıyndaǵy náziktik, sabyrlylyq, bııazylyq t.b. sezimderiniń shynaıylyǵyn halyq aldynda kórsetetin bolady. Jibektiń Tólegeni bolyp Shymkent qalalyq opera jáne balet teatrynyń kórkemdik jetekshisi Mádihan Dýıseev óziniń án oryndaý sheberligimen kórermen kóńilinen oryn tappaq.
Brıfıngte qoıýshy rejısser Mıhaıl Pandjavıdze, Qazaqstannyń eńbek sińirgen qaıratkeri, «Qurmet» ordeniniń kavaleri, dırıjer Abzal Mýhıtdınov, teatrdyń bas baletmeısteri Rıta Haırýsheva, qoıýshy sýretshi Baqyt Kúzembaev syndy spıkerler jańa qoıylymnyń ereksheligi týraly aıtty.
Shymkent qalalyq opera jáne balet teatrynyń sahnasynda jańa mýzykalyq redakııada, rejısserlyq sheshimde, akýstıkalyq, kompıýterlik, jaryq berý tehnologııasynda, plastıkalyq horeografııa tujyrymdamasynda, keıipkerlerdiń oınaý, sóıleý, án aıtý tásilderi arqyly qazaqtyń dástúrli oryndaýshylyq erekshelikterinde qoıylatyn bolady.
A. JÁDIGERULY
