Qyzdyń artynan 12 qymbat ton ákelgenderdiń vıdeosy jelide tez tarady. Muny kórgen jurt qyzý talqylaı bastady. Bul maqtan men ysyrapshylyq dep sókti, dep habarlaıdy "Adyrna" ulttyq portaly Kznews.kz saıtyna silteme jasap.
Qazaq qyzy turmysqa shyqqanda artynan tósek-orny men dúnıesin alyp barady. Alaıda qazirgi tósek-oryn kúnnen kúnge jarys bolyp bara jatqandaı. Jelide qyzdyń artynan 12 qymbat ton ákelgenderdiń vıdeosy jeldeı esti. Biri muny ysyrapshylyq dese, biri qur maqtan dep ashýlandy. Endi biri árkim kórpege qaraı kósiledi dep aqtady.
“Qyzdyń jasaýyn kórseteıik. Mynaý – qyzyl ton, mynaý – qara ton. 12 jaǵaly kıim. Árqaısysyn jarqyrap kıip júredi. Zamanǵa saı, qazirgi sándegi tondar”, – dedi tanystyrýshy.
Odan bólek bas kıimderin, ózge de dúnıe-múlkin tanystyrdy.
- “Mundaı qur ysyrapshylyqtyń ne keregi bar?”, “Qazir bári jarys bolyp ketti”, “Ysyrap jaqsy nárse emes”, “Shamasy kelse, ala bersin”, “Qandaı kúshti, 12 aıda 12 ton kıe me?”, “Bul jarys pa?”, “Dástúrdiń ozyǵy bar, tozyǵy bar”, ”Baılar ne isterin bilmeı júr”, “Qazaq buryn baı bolǵan, ár qyzyna osylaı jasaý jasaǵan”, “Qazaq qyzynyń qalyń maly júz jylqy, júz túıege deıin barǵan, onda turǵan eshnárse joq”, “Aqshasy joq jigitter úılenbeı me sonda?”, “Shamaǵa qaraı kósiledi ǵoı”, “Jaz bolmaıtyn jaqqa kelin bolǵan ba?”, “Jastar baqytty bolsyn”, “Eki jasqa baqyt tileımin”, “Bar bolsa bere bersin. Baıdyń asyn baıǵus qyzǵanady bolmaı árkim baryn bazarlasyn”– dep jazdy jelidegiler.
"Adyrna" ulttyq portaly
