Memleketter Eýroodaqpen shekaradaǵy mıgranttarǵa qatysty jaǵdaıǵa baılanysty Belarýske qarsy jańa sankııalar engizedi, dep habarlaıdy "Adyrna" ulttyq portaly.
AQSh Polsha-Belarýs shekarasyndaǵy mıgranttarǵa qatysty jaǵdaıǵa baılanysty Belarýsqa qarsy jańa sankııalar ázirlep jatyr. Bul týraly 15 qarasha, dúısenbide Memlekettik departamenttiń resmı ókili Ned Praıs málimdedi.
"Biz Eýropalyq Odaqpen, seriktesterimizben jáne odaqtastarymyzben kelise otyryp, jańa sankııalar daıyndap jatyrmyz. Biz Aleksandr Lýkashenko rejımin demokratııaǵa shabýylyn, adam quqyqtary men halyqaralyq normalardy buzýdy jalǵastyrǵany úshin jaýapqa tartýdy jalǵastyramyz", - dedi Praıs.
Ol AQSh-tyń Eýropadaǵy odaqtastarymen Belarýs bıligine qatysty aldaǵy qadamdar boıynsha áreketterin úılestirýdi jalǵastyratynyn aıtty.
Esterińizge sala keteıik, buǵan deıin EO Belarýske qarsy besinshi sankııalar paketin engizgen bolatyn. EO sankııalarynyń jańa paketi Belarýs bıligi uıymdastyrǵan kóshi-qon daǵdarysymen baılanysty.
"Adyrna" ulttyq portaly
