Shymkentte Qazaqstan halqy tilderi kúni atap ótildi. Qalalyq mádenıet basqarmasynyń bastamsymen uıymdastyrylǵan is-sharanyń maqsaty ózge etnostardyń tilin qurmetteı otyryp, memlekettik tildiń qoldanylý aıasyn keńeıtý jáne onyń mártebesi men mańyzyn nasıhattaý. Is-sharaǵa arnaıy shaqyrylǵan, qazaq tiliniń – ulttyq belgi, halyqtyq mura, tárbıe dińgegi, bilim-ǵylymdy ıgerý kózi, til – ulttyń jany ekenin uǵyndyryp, ana tilimizde sóıleýdi nasıhattaýda erekshe úles qosqan birqatar úshinshi megapolıs turǵyndary marapattaldy.
Shymkenttikter Qazaqstan halqy tilderi kúnin atap ótti. Qalalyq mádenıet basqarmasyna qarasty 19 mekeme atsalysqan shara Abaı saıabaǵynan bastaý aldy. Merekelik atmosferany sezingen turǵyndar vıktorınalyq suraqtarǵa jaýap berip, latyn-karaokesinde án shyrqady. Sondaı-aq-qýyrshaq teatry men ırk ártisteriniń ónerin tamashalaı otyra «Tilashar» sózdiginiń tusaýkeserine kúá boldy.
Sózdiktiń bir býmasyn qolyna alǵan Pavel Kım qazaq tiline degen qurmeti erekshe ekenin atap ótti. Qashanda memlekettik tildi dáriptep júremin degen ol búginde onyń kóp paıdasy tıgenin jetkizdi.
Pavel Kım, Jetisaı qalasynyń turǵyny:
«Qazaq tilin shamamen 3-4 jasymnan bastap bilemin. Qalaı meńgergenim esimde joq. Qazaqsha balabaqshaǵa bardym. Qazaqsha mektepke bardym. Bul til maǵan óte kóp múmkindikter ashty. Óte kóp jol ashty».
Tildiń baılyǵy ondaǵy sózdiń sanymen emes, sol tilde bar aqparattyń kólemimen ólshenedi. Osylaı degen Shymkent ákiminiń birinshi orynbasary Shyńǵys Muqan ataýly datanyń mańyzdylyǵyn meıilinshe tereń túsinýimiz kerek deıdi. Álemde 7000 til bolsa onyń ár qaısynynyń ózindik mártebesi bar ekenin tilge tıek etken sheneýnik memlekettik tildi damytý úshin bárimiz bir kisideı at salysýymyz qajet ekenin atap ótti.
Shyńǵys MuUHAN Shymkent qalasy ákiminiń birinshi orynbasary:
«Jalpy meniń oıymsha kez-kelgen halyqtyń, máslen Qazaqstan halqynyń damýy úshin eń birinshi ol elde turatyn adamdar damýy kerek, Al ol elde turatyn adamdar damý úshin halyq sóıleıtin memlekettik til damý kerek. Al ol úshin sol tildegi aqparat damý kerek».
Til. Tarıh. Teatr. Al qalamyzdyń Arbat demalys alańynda kúni boıy alty teatr sahnalyq qoıylym kórsetip, kórermendi tánti etti. Barlyq sanıtarlyq talapty eskergen mádenıet qyzmetkerleri konerttik zalda emes, ashyq aspan astynda halyqtyń kóńilin kóterýdi kózdedik deıdi.
Hanzada Esenova, Shymkent qalalyq mádenıet basqarmasynyń basshysy:
«Bizdiń eń basty maqsatymyz tildiń evalıýııasyn kórsetý. Kúlteginnen bastap, Ybyraı Altynsarın, Ál-Farabı, Abaı atamyz degendeı. Abaıdyń jalpy óziniń perıodtyq shyǵarmashylyq jumysyn kórsetý maqsatynda. Óıtkeni kalabaraııa orys teatry men qazaq drama teatry birigip, Pýshkın óziniń estafetasyn Abaıǵa berip, ol Geteǵa berip kishkentaı spektakl úzindisi qoıyldy».
Aıta keteıik, bıyl alǵash ret keń kólemde uıymdastyrylǵan tilder kúni merekesine kelesi jyly ózgede basqarmalardy qatystyrý josparlanyp otyr.
Móldir Ibadýllaeva
