Resei FSB-nıŋ besınşı qyzmetınde «ukrain mäselesımen» ainalysqan jäne Putinge Ukrainadaǧy jaǧdai turaly aqparat bergen qyzmetkerler arasynda «tazalau» jürgızıldı. Būl turaly Bellingcat komandasynyŋ zertteuşı jurnalisı Hristo Grozev reseilık oppozisiialyq Popular Politics arnasyna bergen sūhbatynda mälımdedı, dep habarlaidy «Adyrna».
Jurnalist FSB 5-şı qyzmetınıŋ būrynǧy bastyǧy, general-polkovnik Sergei Besedanyŋ tergeu izoliatoryna auystyrylǧanyn rastady.Onyŋ telefony ekı aptadan berı ajyratylǧan.
Grozevtıŋ aituynşa, Ukrainaǧa taratylǧan jedel aqparat jäne halyqaralyq bailanys qyzmetınıŋ (FSB 5-şı qyzmetı) qyzmetkerlerı «tazalauǧa» tüsken. Olardyŋ sany – 150 ofiser.
«Men olardyŋ edäuır bölıgı tūtqyndalmaǧan bolsa, FSB-da jūmys ıstemeidı dep aita alamyn. Tazartu jūmystary sözsız ötedı. Bır-ekı künnen keiın bız būl oqiǧa turaly naqty aqparat jariialai alamyz dep ümıttenemın. Būl adamdardyŋ taǧdyry», - dedı jurnalist.Besınşı qyzmet (resmi atauy – Jedel aqparat jäne halyqaralyq qatynastar qyzmetı) FSB-nyŋ şeteldık serıktestermen, sonyŋ ışınde AQŞ agenttıkterımen qarym-qatynasyna qatysty qyzmetpen ainalysady. Qyzmettıŋ ışınde FSB syrtqy barlau funksiialaryn oryndaityn Jedel aqparat departamentı (DOI) bar. Jurnalisterdıŋ pıkırınşe, däl sol Resei prezidentı Vladimir Putindı Ukrainadaǧy basyp alu qarsaŋyndaǧy saiasi oqiǧalar turaly aqparatpen qamtamasyz etuge jauapty bolǧan. 11 nauryzda reseilık arnaiy qyzmetke mamandanǧan jurnalist Andrei Soldatov Besedanyŋ üiqamaqqa alynǧany turaly bırınşı bolyp habarlady, keiın ony Bellingcat jurnalisı Hristo Grozev rastady.
«9 säuırde Beseda Lefortovo tergeu izoliatoryna auystyryldy», - dedı Soldatov
«Adyrna» ūlttyq portaly.
Ūqsas jaŋalyqtar
