Aqtaýdaǵy jarylystan qaıtys bolǵandar týraly taraǵan aqparat jalǵan, dep habarlaıdy "Adyrna" ulttyq portaly.
«WhatsApp» messendjerinde Aqtaýda 7 qarasha kúni shamamen saǵat 21.18-de Aqtaý qalasynda oryn alǵan jarylys nátıjesinde 14 adam qaza taýyp, 25 adam jansaqtaý bólimine tústi degen jazba tarady.
Mańǵystaý oblystyq aýrýhanasynyń bas dárigeri bul aqparatty joqqa shyǵardy. Mańǵystaý oblystyq aýrýhanasynyń bas dárigeri Jánibek Ájmuhanovtyń málimetinshe, 7 qarasha saǵat 23.45-gi jaǵdaı boıynsha oblystyq aýrýhananyń qabyldaý bólimine jarylysqa qatysty qońyraý tirkelmedi.
- Sondaı-aq jansaqtaý bólimine jarylystan zardap shekken naýqastar túsken joq. Qazir oqıǵa ornynda 4 brıgada jumys istep jatyr, - dedi Mańǵystaý oblystyq aýrýhanasynyń bas dárigeri Jánibek Ájmuhanov.
Aıta keteıik, jarylys bolǵan «Aıanat» dámhanasynyń ıesi Abaı Ámireevtiń aıtýynsha oqıǵa bolǵan ýaqytta kafede qyzmetkerler men qonaqtar bolmaǵan.
"Adyrna" ulttyq portaly
