Aqtaudaǧy jarylystan qaitys bolǧandar turaly taraǧan aqparat jalǧan, dep habarlaidy "Adyrna" ūlttyq portaly.
«WhatsApp» messendjerınde Aqtauda 7 qaraşa künı şamamen saǧat 21.18-de Aqtau qalasynda oryn alǧan jarylys nätijesınde 14 adam qaza tauyp, 25 adam jansaqtau bölımıne tüstı degen jazba tarady.
Maŋǧystau oblystyq auruhanasynyŋ bas därıgerı būl aqparatty joqqa şyǧardy. Maŋǧystau oblystyq auruhanasynyŋ bas därıgerı Jänıbek Äjmūhanovtyŋ mälımetınşe, 7 qaraşa saǧat 23.45-gı jaǧdai boiynşa oblystyq auruhananyŋ qabyldau bölımıne jarylysqa qatysty qoŋyrau tırkelmedı.
- Sondai-aq jansaqtau bölımıne jarylystan zardap şekken nauqastar tüsken joq. Qazır oqiǧa ornynda 4 brigada jūmys ıstep jatyr, - dedı Maŋǧystau oblystyq auruhanasynyŋ bas därıgerı Jänıbek Äjmūhanov.
Aita keteiık, jarylys bolǧan «Aianat» dämhanasynyŋ iesı Abai Ämıreevtıŋ aituynşa oqiǧa bolǧan uaqytta kafede qyzmetkerler men qonaqtar bolmaǧan.
"Adyrna" ūlttyq portaly
Ūqsas jaŋalyqtar
