Áleýmettik máseleler jóninde «Shanyraq» ortalyǵyna júgine alasyz

1839
Adyrna.kz Telegram

Shymkent qalasy Ál-Farabı aýdanynyń ákimi Rashıd Myńbaev «SHANYRAQ» ortalyǵynyń jumysymen tanysty.

-Ajyrasý – qoǵamnyń eń úlken máseleniń biri. Kúızeliske ushyraǵan ata-analar psıhologııalyq kómekke zárý. Al tolyq emes otbasyda ósken balanyń keleshekte qoǵamǵa sińisýi, adamdarmen til tabysýy qıynǵa soǵady. Jasqanshaq bolǵan balalardyń ózderi de turaqsyz ári depressııaǵa jaqyn keledi. Osy máseleniń aldyn alý úshin «SHANYRAQ» ortalyǵy ashylyp, ıgi ister atqarylýda. Aldaǵy ýaqytta sizdermen etene jaqyn jumys isteıtin bolamyz,-dedi Rashıd Mamytuly.

Ashylǵanyna nebári bir jyl bolǵan ortalyq qaladaǵy osal toptardyń áleýmettik kartasyn daıyndaýda eleýli ister atqaryp keledi.

Áleýmettik máseleler jóninde qalanyń tórt aýdanymen tyǵyz baılanys ornatqan ortalyqta jas analarmen birge ájeler jáne jalǵyz basty ákelerdiń de mektebi jolǵa qoıylǵan.

Ortalyq meńgerýshisi Abıbýlla Qalymbettiń sózinshe, ortalyqta azamattar kúndelikti bas qosyp, ózin mazalap júrgen máselelerdi ortaǵa salady. Sebebi ortalyqta psıhologııalyq, áleýmettik jáne quqyqtyq keńes berý qyzmeti aqysyz júrgiziledi.

Tipti munda bala asyrap alý jóninde keńes alýmen men ózge kásip ıgerýge jáne jumyspen qamtý turǵysynan da járdem alýǵa múmkindik bar.

Bir jyl ishinde 9 859 azamat ortalyqta psıhologııalyq, quqyqtyq, AÁK-ke qujat tapsyrý, úı kezegine turý boıynsha keńes alǵan.

Budan ózge, kópbalaly jáne naýqas bala kútimindegi 143 ana tigin massaj, SMM kýrstary men kondıterlik sheberlik saǵatyna qatysyp, qazir óz kásibin dóńgeletip otyr.

Shymkent qalasynyń Aqparattyq-kommýnıkaııalyq ortalyǵy

Pikirler