Muhtar Áýezov atyndaǵy Ońtústik Qazaqstan ýnıversıtetinde Memleket basshysy Qasym-Jomart Toqaevtyń halyqqa Joldaýyn talqylaýǵa qatysty jıyn ótti. Oqý ornynyń stýdentteri jáne oqytýshylary Joldaýdy nasıhattaýǵa baılanysty aqparattyq-nasıhat tobynyń múshesi Sáken Májinbekovpen júzdesti.
Barlyq sanıtarlyq talapty saqtaı otyryp ótken kezdesýde Sáken Aralbaıuly álem tarıhyndaǵy memleket basshylarynyń el halqyna joldaýy ıgi dástúr ekenine toqtalyp, tarıhtaǵy osyndaı birinshi qujatty 1822 jyly AQSh-tyń sol kezdegi prezıdenti Djeıms Monro jarııalaǵanyna toqtaldy. Al táýelsiz Qazaqstan tarıhyndaǵy alǵashqy joldaý 1997 jyly qabyldanǵanyn aıtty. Ol – QR Tuńǵysh Prezıdenti – Elbasy N.Nazarbaevtyń bastamasymen qabyldanǵan «Qazaqstan – 2030 strategııalyq baǵdarlamasy».
– Memleket basshysy Qasym-Jomart Toqaevtyń bıylǵy «Halyq birligi jáne júıeli reformalar – el órkendeýiniń berik negizi» atty Joldaýy – asa mańyzdy qujat. Ózderińizge belgili, 2020 jyly dúnıe júzi pandemııaǵa tap boldy. Sonyń saldaryna áli de keri áserin tıgizýde. Ásirese, ekonomıkalyq daǵdarystyń salqyny qatty sezilýde. Memleket basshysy, mine, osyndaı jappaı daǵdarys kezindegi el damýyna negiz bolatyn basty baǵyttardy aıqyndap, naqty tapsyrmalar júktep otyr. Al sizder, óskeleń urpaq, «Elge men ne bere alamyn?» degen prınıppen oqyp, damyp, tulǵa bolyp, memleketimizdiń damýyna úles qosýlaryńyz kerek. Sizder de álemdi jaqsy jaǵyna ózgertýge umtylyńyzdar! – dedi Sáken Aralbaıuly.
Jıyn sońynda jastar ózderin tolǵandyrǵan suraqtaryn qoıyp, jaýap aldy.
