Búgin QR Prezıdenti Qasym-Jomart Toqaevtyń buqaralyq sportty damytý boıynsha bergen tapsyrmasy negizinde Shymkent qalasy ákiminiń qoldaýymen «Shymkent Jastar Lıgasy» jobasynyń ekinshi kezeńiniń resmı ashylý saltanaty ótýde.
«Shymkent jastar lıgasy» jobasy fýtbol, voleıbol, basketbol, shahmat syndy sporttyń 4 túrinen joǵary jáne orta arnaýly oqý oryndarynyń jastary jáne jalpy bilim berý mekemeleriniń oqýshylary arasynda ótkizilýde.
Joba maqsaty - jastardyń bos ýaqytyn tıimdi paıdalaný, jappaı sportqa baýlı otyryp salaýatty ómir saltyn nasıhattaý, buqaralyq sportty damytý.
Búgingi sharanyń resmı ashylýyna Shymkent qalasy ákiminiń birinshi orynbasary Shyńǵys Muqan, Shymkent qalasynyń bilim basqarmasynyń basshysy Janat Tájıeva, qalalyq dene shynyqtyrý jáne sport basqarmasynyń basshysy Baýyrjan Tumanbaev, qalalyq ishki saıasat jáne jastar isteri jónindegi basqarmasynyń mindetin atqarýshy Muratjan Shotanov jáne jalpy bilim berý mekemeleriniń dırektorlary, sondaı-aq, qatysýshy komandalar jáne olardyń jankúıer fan-klýbtary qatysýda.
Bas tóreshiniń bekitken kestesine sáıkes búgin qyzdar arasynda voleıbol sport túrinen A.Pýshkın atyndaǵy №1 mektep gımnazııasy jáne J.Aımaýytov atyndaǵy №64 mektep gımnazııasynyń komandasy baqtaryn synaıtyn bolady.
Jarys qorytyndysy boıynsha sport túrlerinen I, II, III oryn alǵan komandalar dıplom, medal jáne baǵaly syılyqtarmen marapattalady. Sondaı-aq, sport túrlerinen «Úzdik qaqpashy», «Úzdik qorǵaýshy», «Úzdik oıynshy», «Úzdik jetekshi», «Úzdik jankúıer», «Úzdik fan-klýby» «Úzdik tárbıeshi», «Úzdik bilim berý mekemesi» nomınaııalarynyń jeńimpazdaryna dıplomdar men baǵaly syılyqtar tabystalady.
