Bul týraly búgin Aqparattyq-kommýnıkaııalyq ortalyǵynda ótken brıfıngte Qazaqstan Musylmandary dinı basqarmasy «Halal Damý» JShS-niń dırektory Aıbek Atashev málimdedi.
– Elimizde QR Táýelsizdiginiń 30 jyldyǵyna oraı tuńǵysh ret halyqaralyq «Halal expo 2021» kórmesi uıymdastyrylyp otyr. Bul sharaǵa álemdik jáne otandyq kásipkerler men ınvestorlar, halal ındýstrııasyndaǵy beldi kásiporyndar men halyqaralyq sertıfıkattaý organdary, din qaıratkerleri, memlekettik mekeme basshylary, zııaly qaýym, sarapshylar jáne BAQ ókilderi qatysady. Kórmede zııaly qaýym ókilderi men din ǵalymdary, halyqaralyq sarapshylar baıandama jasaıdy. Sondaı-aq, úzdik kásiporyndardy QMDB Tóraǵasy, Bas múftı Naýryzbaı qajy Taǵanuly marapattaıtyn bolady, – dedi Aıbek Asqarbekuly.
Spıkerdiń sózinshe, tutynýshylar kórmede halal ónimdi tikeleı óndirýshiden naryqtyq baǵadan da tómen ala alady.
Aıta keteıik, jármeńke qalalyq kórme ortalyǵynda 11-12 qazan aralyǵynda ótedi. Bul - otandyq jáne shet eldik kásiporyndarǵa óz ónimderi men qyzmetin usynýǵa múmkindik beretin halal ındýstrııasyndaǵy eń úzdik kórme.
Shymkent qalasynyń Aqparattyq-kommýnıkaııalyq ortalyǵy
