Bilim jáne ǵylym mınıstri Ashat Aımaǵambetov jumys saparymen Aqtóbe oblysyna keldi. Sapar barysynda Ashat Aımaǵambetov densaýlyq saqtaý, bilim berý, sport jáne ınfraqurylymdy damytý salalaryndaǵy "Aýyl – el besigi" baǵdarlamasy aıasyndaǵy jobalardyń júzege asyrylý barysymen tanysty dep habarlaıdy "Adyrna" ulttyq portaly.
Sarjansaı aýylynda merdigerlik uıymdar júrgizip jatqan aýyl ishilik kóshe joldaryn jóndeý jumystary qaraldy. Bul jobalar da "Aýyl – el besigi" baǵdarlamasynyń bir bóligi bolyp tabylady. Aýylda atqarylǵan jumystarmen tanysyp shyǵyp, Mártók aýylyna bardy. Mınıstr dene shynyqtyrý-saýyqtyrý kesheninde boldy.
"Aýyl – el besigi" baǵdarlamasy aıasynda salynǵan 160 oryndyq keshen fýtzal, voleıbol, basketbol jáne basqa da oıyndar boıynsha jattyǵýlar men jarystar ótkizýge arnalǵan.
Ashat Aımaǵambetov Mártók aýdanyndaǵy Qazan aýylynda bolyp, jergilikti medıınalyq pýnktiń jumysymen tanysty. "Aýyl – el besigi" baǵdarlamasy sheńberinde paıdalanýǵa berilgen medıınalyq nysan bir aýysymda 40 adam úshin medıınalyq qyzmet kórsetýge shaqtalǵan.
Mınıstr sondaı-aq oblystyń birneshe aýyldyq mektebine baryp, onda bilim berý nysandarynyń jaı-kúıin egjeı-tegjeıli zerdeledi. Ashat Aımaǵambetov bolǵan bilim berý uıymdarynyń arasynda Mártók aýdanynyń Hlebodarovka aýyldyq mektebi boldy. Qazir mektepte kúrdeli jóndeý jumystary júrgizilip jatyr.
Oqý ornynda edenderdi jóndeý jáne aýystyrý, jylytý jáne jaryqtandyrý júıelerin aýystyrý, ishki jáne syrtqy árleý, káriz júıesin jóndeý jáne abattandyrý boıynsha jumystar júrgizilýde. Búgingi tańda mekteptegi 95 muǵalim 574 oqýshyny bilim nárimen sýsyndatady.
Mınıstr Qarǵaly aýdanynda da boldy. Petropavlovka aýylynda "Aýyl – el besigi" baǵdarlamasy aıasynda merdiger uıym júrgizip jatqan kóshelerdi jaryqpen qamtamasyz etý jumystaryn kórdi. Sondaı-aq mınıstr Petropavlovka aýylynda jergilikti mekteptiń materıaldyq-tehnıkalyq bazasymen tanysyp, mektep ujymymen kezdesý ótkizdi.
Mınıstrdiń jumys sapary Hromtaý aýdanynda jalǵasty. Aqjar aýylynda ol "Jumyspen qamtý jol kartasy – 2020" jáne "Aýyl – el besigi" baǵdarlamalary sheńberinde jóndelgen 11 kentishilik kósheniń avtomobıl joldaryn qarap shyqty.
Sonymen qatar mınıstr "Aýyl – el besigi" baǵdarlamasy aıasynda paıdalanýǵa berilgen dene shynyqtyrý-saýyqtyrý kesheniniń jumysymen tanysty.
Ashat Aımaǵambetov Hromtaý taý-ken tehnıkalyq joǵary kolledjiniń materıaldyq-tehnıkalyq bazasymen tanysý úshin Hromtaý qalasyna bardy. Mınıstr Aqtóbe oblysyna jumys saparyn Hromtaý aýdanynyń ákimdiginde qorytyndylady.
Aqtóbe oblysynda sońǵy 3 jylda "Aýyl – el besigi" baǵdarlamasy aıasynda 42 aýylda jalpy somasy 11,8 mlrd teńgeni quraıtyn 108 joba iske asyryldy. Olardy júzege asyrý barysynda 2 072 jumys orny, onyń ishinde 278 turaqty jumys orny quryldy.
Bıyl jalpy somasy 6,1 mlrd teńgeni quraıtyn 69 joba iske asyrylyp jatyr.
Bul jobalar "Aýyl – el besigi" baǵdarlamasy sheńberinde basymdyq berilgen 33 aýyldaǵy (26 tirek, 6 spýtnıktik jáne 1 strategııalyq aýyl) 30 myń turǵynnyń ómir sapasyn jaqsartýǵa múmkindik beredi.
"Adyrna" ulttyq portaly.
