Amerıkandyq Tesla jáne SpaceX kompanııalarynyń negizin salýshy jáne álemdegi eń baı adam Ilon Mask adamzatty ashtyqtan qutqarý úshin aqshasynyń bir bóligin jumsaýǵa daıyn ekenin aıtty, dep habarlaıdy "Adyrna" ulttyq portaly.
Buǵan deıin BUU-nyń Dúnıejúzilik azyq-túlik baǵdarlamasynyń (UQJ) atqarýshy dırektory Devıd Bıslı Maskty «apattyń» aldyn alý úshin ashtyqpen kúresý úshin qarajat berýge shaqyrǵan. CNN habarlaǵandaı, adamdardy ashtyqtan qutqarý úshin Ilon Mask dáýletiniń tek 2% - y qajet, ol qazirgi ýaqytta shamamen 289 mıllıard dollarǵa jetedi.
- Eger UQJ osy tvıtter jelisinde 6 mıllıard dollar álemdik ashtyq máselesin qalaı sheshe alatynyn túsindire alsa, men Tesla akııalaryn qazir satýǵa jáne ony sheshýge daıynmyn. Biraq halyq aqshanyń qalaı jumsalǵanyn naqty kóre alatyndaı qarjylyq esep ashyq bolýy kerek, dep jazdy mıllıarder Twitter-de.
Esterińizge sala keteıik, buǵan deıin Mask AQSh-taǵy "mıllıarderlerge salynatyn salyq" usynysyn synǵa alyp, óziniń aqshasyn adamzatty Marsqa jetkizýge jumsaýdy josparlap otyrǵanyn aıtqan bolatyn.
"Adyrna" ulttyq portaly
