Ózbekstan TMD aımaǵynda "Orys tili jylyn" bekitip, ony ultaralyq til retinde atap ótý boıynsha usynysty qoldady. Ol týraly "Rossııa-24" arnasyna Ózbekstannyń SIM basshysy Abdýlazız Kamılov suhbat barysynda málimdedi.
Mınıstr Ózbekstan men Reseı arasynda qatynasqa barynsha mán beretinin atap ótken. Onyń oıynsha Ózbekstanda Reseıdi qoldaý barynsha júrip jatyr. Mysal retinde Reseıdiń 15 JOO-nyń Ózbekstanda jumys istep turǵanyn, orys tilin oqytý ortalyqtary baryn, mádenı oshaqtardyń sanynyń artqanyn keltirdi.
Ol Reseı prezıdenti Vladımır Pýtınniń TMD elderiniń basshylarynyń keńesinde TMD aımaǵy boıynsha "Orys tili jylyn ótkizý" usynysyn qoldaǵanyn da aıta ketti.
"Bul turǵydan Ózbekstannyń tarıhı tájirıbesi kóp. Mysaly 70-jyldary Tashkentte ǵylymı jáne mádenı ortany shaqyryp, úlken "Orys tili - dostyq pen halyqtar áriptestigi tili" atty masshtabty forým ótti. Iaǵnı bizde tájirıbe, ózindik ádis pen atalmysh baǵyttaǵy sharalardy ótkizý kórinisteri bar. Biz bul usynysty qýana iske asyratyn bolamyz", - dedi mınıstr.
"Adyrna" ulttyq portaly
