"Islam memleketi" (Reseıde tyıym salynǵan) lańkestik toby sodyrlarynyń Iraktyń shyǵysyndaǵy Dııala provınııasyndaǵy aýylǵa jasaǵan qarýly shabýyly saldarynan keminde 12 adam qaza taýyp, 15-i jaralandy dep habarlaıdy "Adyrna" ulttyq portaly "SHAFAQ News" aqparattyq portalyna silteme jasap.
Portaldyń habarlaýynsha, oqıǵa El-Mıkdadııa qalasyna jaqyn jerde (Baǵdadtan 110 shaqyrymdaı jerde) bolǵan. DAISh sodyrlary shaǵyn Er-Rashad aýylynda bir top jastarǵa shabýyl jasap, sonymen qatar osy aýyldaǵy turǵyn úılerge ártúrli qarý túrlerimen oq atqan. Qylmyskerlerge toıtarys bergen Irak áskerleri aýylǵa kelgen soń lańkester sheginýge májbúr bolǵan.
Portaldyń aımaqtaǵy derekkózi zardap shekkender sany aldaǵy ýaqytta artýy múmkin ekenin, óıtkeni ázirge zardap shekken jergilikti turǵyndardyń bir bóligi ǵana jaqyn mańdaǵy aýrýhanalarǵa jetkizilgenin atap ótti.
DAISh sodyrlary 2014 jyldyń jazynda Irak terrıtorııasynyń úshten bir bóligin basyp alǵan. Maýsym aıynda olar eldiń ekinshi úlken qalasy — Mosýldy basyp alyp, ony "halıfattyń astanasy" dep jarııalady. 2015 jyly halyqaralyq koalıııanyń qoldaýymen Irak úkimetiniń kúshteri ekstremıster basyp alǵan aımaqtardy azat etý boıynsha aýqymdy naýqan bastady.
2017 jyly jeltoqsanda Iraktyń sol kezdegi premer-mınıstri Heıdar al-Abadı DAISh-tiń túpkilikti jeńilgenin málimdedi. Degenmen Iraktiń qaýipsizdik kúshteri eldiń ártúrli aımaqtarynda lańkesterdiń astyrtyn áreketin joıý operaııasyn jalǵastyrýda, onyń músheleri quqyq qorǵaý organdaryna, áskerge jáne beıbit turǵyndarǵa shabýyl jasaǵan.
"Adyrna" ulttyq portaly.
