Qazaqstan mýzeıleriniń mamandary Túrkııada taǵylymdamadan ótti (foto)

2514
Adyrna.kz Telegram
 Qazaqstan mýzeılerin aqparattyq-ádistemelik qoldaýǵa arnalǵan «Kazmuseum.kz» qorynyń uıymdastyrýymen jáne Qazaqstannyń Túrkııadaǵy Elshiligi, Túrkııa Respýblıkasy Mádenıet jáne týrızm mınıstrliginiń qoldaýymen Túrkııa astanasyAnkarada QR Prezıdenti Nursultan Nazarbaevtyń «Rýhanı jańǵyrý» memlekettik baǵdarlamalyq maqalasynda kórsetilgen mindetterdi júzege asyrý maqsatynda Qazaqstan mýzeıleriniń qyzmetkerleri «Mýzeı salasyndaǵy jańa tehnologııalar: «Mýzeı restavraııasy, qor saqtaý jáne mýzeı týrızmi» atty halyqaralyq taǵylymdamaǵa qatysty.

Qazaqstandyq mamandardyń tájirıbe almasý jáne biliktiligin arttyrý sapary Anadoly mádenıetteri mýzeıinen bastaldy. Mýzeı dırektory Enver Saǵyr Túrkııa mýzeıleriniń erekshelikterimen tanystyra otyryp, qazaqstandyq áriptesterimen aldaǵy ýaqytta birlesken jobalardy júzege asyrýǵa nıetti ekendigin jetkizdi.

«Mýzeı isi salasynda Túrkııanyń óz ereksheligi bar. Bizde bul salada belgili standarttar qalyptasqan. Sondyqtan mýzeı ǵımaratyn salý isinen bastap, ishki árbir jumysyna jiti mán beremiz. Mýzeıimiz arheologııalyq qazbalar kezinde tabylǵan qundylyqtarmen tyǵyz baılanysty bolǵandyqtan, qazba jumystaryn da júrgizemiz. Negizinen bul ispen elimizdiń joǵary oqý oryndary aınalysady. Oqý oryndary uıymdastyrǵan qazba jumystary árıne mýzeılermen birlese júrgiziledi», - dedi E.Sagyr.

Anadoly mádenıetteri mýzeıimen tanysý barysynda qazaqstandyq mamandar Túrkııanyń AQSh, Ulybrıtanııa, Franııa tárizdi elderdegi mýzeılerinen ulttyq tarıhı qundylyqtary bolyp sanalatyn eksponattaryn qaıtaryp alý jumystaryna erekshe mán berdi. Mysaly, byltyrǵy jyly mýzeıge Osman memleketi tusyna tán eksponattyń birnesheýi qaıtaryp alynǵan eken.

Sonymen qatar, qazaqstandyq mýzeı qyzmetkerleri Etnografııa mýzeıi, Sýret jáne músin mýzeıi, «Túrkııa II-shi Uly Ulttyq Májilisi» respýblıkalyq mýzeıi tárizdi iri mýzeıleriniń de jumystarymen keńirek tanysýǵa múmkindik aldy. Atap aıtsaq, mýzeılerdiń qor tolyqtyrý, tarıhı nysandardy mýzeılendirý, balalarmen jumys isteý, ekspozıııa zaldaryn kútip ustaý, «mýzeıler barshaǵa qoljetimdi bolýy kerek» sııaqty prınıpterimen jumys isteýi qazaqstandyq mamandardyń kóńilinen shyqty.

Is-sapardyń josparyna sáıkes qazaqstandyq mamandarǵa Ankaranyń restavraııa jáne konservaııalaý laboratorııasynyń tájirıbesimen jaqynnan tanysýǵa múmkindigi boldy. Atalǵan laboratorııa qazirgi ýaqytta Túrkııanyń ortalyq aımaǵy men Ankaranyń birneshe mýzeıiniń jumysyn qamtamasyz etip otyr. Laboratorııa dırektory Chengız Ozdýoǵly týrızm salasynyń jáne sonyń ishinde mýzeı isiniń damýyna baılanysty laboratorııa jumystaryna suranystyń óte joǵary ekendigin aıtty.

«Túrkııa boıynsha dál osyndaı 10 laboratorııa bar. Barlyǵy de mýzeıler men mýzeılik mekemelerge qyzmet kórsetedi. Jumystarymyz negizinen qabyldaý, resmı tirkeý, aldyn ala qorytyndy jasaý, laboratorııalyq tekseristen ótkizý, kelip túsken eksponattardy mamandarǵa bekitý jáne restavraııalaý, tapsyrý tárizdi kezeńderden turady. Bizdiń laboratorııamyzda qalypqa keltirý qıyndyǵy óte joǵary birtalaı eksponattar «qaıta tirildi». Bul istegi tájirıbemiz óte mol», - dedi Ch.Ozdýogly.

Qazaqstandyq mamandardy laboratorııadaǵy metall, mata jáne áınekpen jumys isteýge arnalǵan rentgendik zamanaýı tehnologııalar erekshe qyzyqtyrdy.

Mýzeı mamandarynyń is-sapary barysynda Atatúrik mavzoleıi jáne mýzeıimen tanysyp kórý sharasy uıymdastyryldy. Ankaranyń tarıhı qorǵandary men meshitterin jáne monýmentaldyq eskertkishterin tamashalaý tárizdi mádenı sharalarmen de tolyqtyryldy.

Taǵylymdamanyń resmı kezeńinde Túrkııanyń Mádenıet jáne týrızm mınıstrligi Mádenı muralar jáne mýzeıler bas dırekııasynyń basshysy Ialchyn Kýrt bastaǵan mýzeı basshylary men qyzmetkerleri qazaqstandyq delegaııamen kezdesip, ekijaqty pikir almasty.

Jıyndy ashqan Ia.Kýrt túrki áleminiń rýhanı baılyǵy jáne búgingi kúnge deıin saqtalǵan tarıhı jádigerler týraly egjeı-tegjeı málimet berip, eki baýyrlas el arasyndaǵy mádenı-gýmanıtarlyq saladaǵy qarym-qatynastyń nyǵaıýyna zor úles qosqan Elbasynyń rólin atap ótti. Budan keıingi kezekte mýzeılerdi damytý boıynsha Qazaqstan men Túrkııa arasyndaǵy baılanysty kúsheıtýge nıet bildirgendigin jetkizdi. Sondaı-aq, Anadolý jeriniń ózi aspan asty mýzeı ekendigin aıta kele, «Túrkııanyń mýzeıleri ortalyqtandyrylǵan basqarý júıesi arqyly basqarylady. Qazirgi ýaqytta dırekııaǵa tikeleı 201 memlekettik, 239 jeke mýzeı qaraıdy. Túrkııa boıynsha mýzeıdegi eksponattardyń sany 3 mln-nan asady. Mýzeılerimiz derbes qundylyǵymen erekshelenedi. Jumystary jaǵynan da san alýan ekendigin aıtqym keledi», - dep bas dırektor málimet berdi.

Túrkııa tarapy «Túrkııadaǵy mýzeı isi», «Restavraııa jáne konservaııa baǵytyndaǵy jumystar», «Ekspozıııalar, jańa mýzeılerdiń ashylýy» syndy taqyryptar boıynsha baıandama jasaǵan bolsa, óz kezeginde qazaqstandyq delegaııa Elbasynyń Qazaqstan halqyna arnaǵan Joldaýy men «Rýhanı jańǵyrý» baǵdarlamasy boıynsha negizgi baǵyttardy atap ótip, mýzeı salasynyń damýy jáne jańa tehnologııany paıdalanýy máselelerine qatysty tolyq aqparat berdi.

Jıyn sońynda sharanyń uıymdastyrýyna qoldaý bildirgen TR Mádenıet jáne týrızm mınıstrligine alǵys aıtyp, tilek bildirgen «Kazmuseum.kz» qorynyń jetekshisi Nurserik Jolbarys: «Mýzeı isi salasynda Qazaqstannyń qalyptasqan óz dástúri bar. Degenmen, biz dástúrlerimizdi jetistikterimen tolyqtyryp otyrýdy qalaımyz. Jetistikterge ózara tájirıbe almasý, yqpaldastyqtar arqyly jetýge bolatynyn túsinemiz. Sondyqtan, biz Túrkııanyń ozyq tájirıbesimen tanysýǵa nıettimiz», - dep, túrik qatysýshylaryna estelik syılyqtardy tabys etti.

Óz kezeginde mınıstrlik ókilderi qazaqstandyq mamandarǵa óz tarapynan arnaıy sertıfıkattar tapsyrdy.

Mańyzy zor taǵylymdamanyń qorytyndysy qorytyndysy retinde Qazaqstannyń Túrkııadaǵy Elshisi Abzal Saparbekuly mýzeı qyzmetkerlerimen kezdesý ótkizdi. Kezdesý barysynda Elshi eki el arasyndaǵy qarym-qatynastary týraly málimet berdi.

«Qazaqstan mýzeı mamandarynyń belsendiligine tántimiz. Ankaradaǵy is-saparlaryńyz sizder úshin paıdaly bolatyndyǵyna jánejınaǵan biliktilik men kórgen-bilgenderińizdi el múddesi úshin jumsaıtyndaryńyzǵa kámilsenemiz. Elimizde «Rýhanı jańǵyrý» baǵdarlamasy boıynsha atqarylyp otyrǵan is-sharaly qyrýar. Qazirgi tańda túrik aǵaıyndar bul baǵdarlamaǵa qyzyǵýshylyq tanytyp otyr. Osy baǵytta qyzmet etýimiz qajet. Túrkııada mýzeı salasy týrızmniń ózegine aınalǵan. Bizge de osy salany ary qaraı damytý boıynsha jumysymyzdy jalǵastyrýymyz kerek», - dedi A.Saparbekuly.

Aıta óteıik, Qazaqstan mýzeılerin aqparattyq-ádistemelik qoldaýǵa arnalǵan «Kazmuseum.kz» qorynyń uıymdastyrýymen ótken bul taǵylymdamaǵa Astana, Almaty, Taldyqorǵan, Túrkistan, Atbasar, Jezqazǵan, Esik qalalarynan kelgen mýzeı mamandary qatysty.


KAZMUSEUM.KZ

Pikirler