Elımızde keibır qazaqstandyq blogerge qatysty salyqtyq tekseruler jalǧasyp jatyr. Būl turaly Qarjy vise-ministrı Erjan Bırjanov mälımdedı, dep habarlaidy «Adyrna» tılşısı.
Aituynşa, Qarjy ministrlıgınıŋj Memlekettık kırıster komitetı tabysyn tömendetıp körsetken 854 qazaqstandyq blogerge habarlama jıbergen.
«Biyl 854 blogerge 1 586 habarlama jıberıldı. Olardyŋ tabysy 72 mlrd teŋgege tömendetılıp körsetılgen», – dedı ol jurnalisterge.
Atalǧan derekter boiynşa jūmys jürgızılıp, sonyŋ nätijesınde 622 bloger qosymşa salyq deklarasiiasyn tapsyrǧan.
«Olar tabystaryn 18,3 mlrd teŋgege arttyryp, qosymşa 1 mlrd teŋgege deiın salyq töledı. Sondai-aq taǧy şamamen 600 million teŋge töleuge mındetteldı», — dedı Bırjanov Ükımettegı brifingte.
Onyŋ aituynşa, qazırgı uaqytta 7 blogerge qatysty tekseru jürgızılıp jatyr. Olarǧa qosymşa eseptelgen salyq somasy 10 million teŋgeden asady.
«Qazır tekseru şaralary jürgızılude. Eger osy şaralardan keiın somalar erıktı türde tölenbese jäne aitarlyqtai bolsa, materialdardy qūqyq qorǧau organdaryna joldau arqyly öndırıp alamyz nemese prosessualdyq şeşımder qabyldanady», — dedı Bırjanov.
